قلب يخشى الحب

PART♡50

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡50

جا نهار جديد، كانت فيه غزلان جالسة فالغرفة ديالها وسط ديك المصحة و حداها بنتها ناعسة و ملبساها حوايجها بحكم يعقوب قريب يجي، حتى هي كانت لابسة و واجدة و الفرحة ما قاداها.

توحشات دارها و راجلها، توحشات الحياة بصفة عامة حيت واخا هاد الفترة دوزاتها فالعلاج و لي خرجات منو منتصرة لكن تحرمات من الحياة و من يعقوب و عائلتها.

و هي جالسة سمعات خطوات كي قربو للبيت و قلبها بدا كي ضرب حيت متأكدة بلي هو، و فعلا مع تحل الباب مع كي بان يعقوب بكامل اناقته و رجولته المعتادة، و غير شافها ترسمات إبتسامة على وجهو،ديك الابتسامة لي نادرا ما كي بينها من غير الى كان مع مرتو و بنتو.

عزلان بادلاتو الإبتسامة و وقفات كاتسنى فيه يجي لعندها، و مع وصل مع شدها من يديها و عنقها مزير عليها، خشا وجهو فعنقها و غمض عينيه كي ستنشق عطرها.

يعقوب: أخيراااا

غزلان(مبادلاه العناق): توحشتك بزاف ا يعقوب

يعقوب(بعد و شافيها):أخيرا غادي ترجعي لدارك و ليا

غزلان: الليل كامل و انا كانطرطا فبلاصتي كانتسنى اليوم امتى يجي

يعقوب(حط يديه الرجولية على خدها الناعم): ها اليوم جا

غزلان: انا ما بقيتش غادي نآذي بنتي

يعقوب(حرك راسو): عرفت عرفت، دوات معايا الطبيبة و أكدات ليا بلي تعالجتي

غزلان(بإمتنان): شكرا بزاف ا يعقوب كون ما كنتيش معايا ما كنتش غادي نصبر

يعقوب(رجع عنقها):انا ديما معاك، الى ما وقفتش معاك معامن نوقف؟

غزلان: ماكرهاتش نساو گاع لي فات و خاصة داك النهار، حيت فين ما نتفكرو قلبي كي ضرني بزاف

يعقوب(بعد و شافيها):كنتي مريضة، عتابري بلي ماشي نتي لي درتي داكشي و صافي

غزلان حركات ليه راسها بواخا، في حين يعقوب وجه شوفاتو لرهف لقاها فاقت و كاتحرك فيديها، بتاسم و مشا لعندها هزها و كي بوس فيها، حتى هي توحشها بزاف و تحرم منها هاد الشهر، واخا كان مرة مرة كي جي لعندهم و لكن ماشي بحال الى كانو معاه فنفس الدار.