قلب يخشى الحب

PART♡55

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡55

انور ما بقاش جاوبها، شدها من يديها و جرها وراه غير هي ما كان هاز معاه لا باليزا لا والو، كان باغي غير يغبر فشي قنت بعيد على الناس، و لكن دابا ولى باغي غير يغبر من هنا حيت دارت ليه الشوهة قدام الناس.

خرجو من المطار و هو يدفعها حتى تقابلات معاه، و يالاه بغا يهدر حتى كاتطير عليه بتعنيقة، حاوطات يديها على كتافو و تعلات على اصابع رجليها، غمضات عينيها و بقات ساكتة كاتستنشق ريحتو و تستسمع بالحضن ديالو الدافئ و لي كانت غادي تحرم منو.

في حين هو ما دار حتى شي ردة فعل، بقا مهبط يديه و ما بادلهاش العناق، معصب منها حيت خربقات ليه المخططات ديالو و خلاتو يحنث بالوعد لي عطى لراسو.

انور(شدها من يديها و بعدها من عليه): علاش هادشي كامل؟

مريم(كشرات ملامحها): كيفاش علاش هادشي كامل؟واش نتا ناوي تمشي و تخليني و كاتسولني من نيتك؟

انور(زفر بإنفعال): بغيت نرتاح ا مريم بغيت نمشي باش نقلب على راحتي و إلى بقيت معاك غادي نمرضك معايا

مريم(بقات مدة كاتشوفيه قبل ما تقول بحر..قة):حتى لهاد الدرجة ما كاثيقش فيا؟ عند بالك باقا انا هي انا و ما تبدلش؟ كي حساب ليك فبلاصة ما نوقف معاك غادي نشد الضد؟

أنور سكت و ما جاوبهاش، ما بغاش يقوليها اه و فنفس الوقت ما بغاش يقوليها لا، بغاها تفهم لراسها بلا ما يحتاج ينطق، و فعلا فهماتو و حسات بيه باقي ما لاحظ بلي كاتحاول تبدل من راسها على قبلو.

مريم(حركات راسها بواخا): واخا فهمت

انور: ملي فهمتي خليني نمشي ا مريم

مريم(خنزرات فيه): بلا ما تحلم(فكات ملامحها)و لكن عطيني فرصة اخرى و الى ما قدرتش نسيك فهاد الفترة لي كاتدوز منها ديك الساعة سير

أنور: مريم فهمي بلي على قبلك حتى نتي بغيت نمشي

مريم: عرفتك خايف تآذيني، و لكن الى درت عقلي و ما بقيتش كانعصبك ماغاديش تقيسني

انور: نثيق فشي حد الى قاليا الحمار كي دوي و ما نثيقش فيك نتي بلي غادي تديري عقلك