🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡52
تنهدات بضيق و تكات ففراشها، غمضات عينيها و بقات كاترعد بسبب التبوريشة لي فيها، أما وسيم ديك الساعة مشا لبس حوايجو و خرج مشا للفارماسي،عطاهم الاعراض لي فيها و عطاوه الدوا المناسب، عاد رجع للدار و مشا هو اللول للكوزينة قاد ليها الفطور لي كي عجبها و مشا لعندها.
حل الباب بانت ليه متكية و مغطية كلها من غير راسها،قرب لعندها و حط البلاطو فوق الكوافوز و حط حداه الدوا، شافيها و قال...
وسيم: نوضي تفطري
جميلة(حلات عينيها بثقالة و شافت فيه): امم؟
وسيم: نوضي فطري باش تشربي الدوا
جميلة:لا
وسيم بإنفعال جر ليها المانطة بالجهد و لاحها، و مع حيدها من عليها بدات جميلة كاترعد كثر من اللول واخا كانت لابسة ملابس ساخنة و لكن مع المرض كاتحس بالبرد قارس رغم ان الجو عادي بحكم النهار، بالليل لي كي كون البرد بزاف.
جميلة(بصوت فيه بحة): وسيم عافا...ك رجع ليا الما...نطة
وسيم: يالاه تهزي فطري هو اللول
جميلة بقات كاتشوفيه و كاترعد و فنفس الوقت كاتخنزر فيه،كاتحس بيه كي عذبها ماشي كي عاونها و لا باغيها تبرا،مدة و هما كي تبادلو فالنظرات فالتالي تقادات فالجلسة و عينيها غير على ديك المانطة لي فالارض، ما كرهاتش تنوض و تهزها باش ترجع تغطا بيها و لكن رجليها فاشلين عليها، و حتى الصوت باش تغوت على وسيم ما عندهاش.
بقات كاتفطر و دغمة ما كاتدوزها الا بعد عناء طويل،حتى كاتبغي تحبس و كي غوت عليها وسيم باش تكمل و هي غير كاتجمع ليه حيت عصبها، حتى سالات و عطاها الدوا شرباتو.
وسيم: كاتنعسي عريانة؟
جميلة: لا علاش؟
وسيم: و كيفاش ضربك البرد؟
جميلة: ها البيت بارد بزاف ما كي دفاش خاص الشوفاج
وسيم(عقد حواجبو): الشوفاج ديال الناس لي بحالك اما حنا ولاد الشعب كبرنا فالمو..ت ديال البرد و الصهد و ها حنا بخير، سهيلة من صغرها و هي كاتنعس فيه عمرها تشكات
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
