༺مكتــــــــــــملة༻
🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀
♡الجــــــــزء الثانــــي لقصــــــة: خبــــــز و مـــــــاء♡
🍷بقلمــــــــي: 𝓢𝓱𝓮 𝓦𝓸𝓵𝓯🍷
🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🥀قَلْـــــــبٌ يَخْشَـــــــى الحُـــــــبَّ🥀
🤍الفصـــــل الثاني:قســوة قلبٍ يأبى العشــق🤍
🍷بقلـــــم:#SHEWOLF🍷
PART♡5
جا يوم جديد، كان جالس فيه يازيد كي فطر شوية و هي تبان ليه جاية، جرات الكرسي و جلسات، شافت فيه و هي تبستام، أما هو بقا غير كي خنزر فيها عارفها كاتحاول تستافزو بهاد الحركات.
شمس: إوا العريس فين كنتي غابر من البارح
يازيد: و نتي مالك؟ اش دخلك فيا؟
شمس: امم فعلا
بدات كاتاكل و مرة مرة كاتشوفيه، و هو غير كي هز عينيها فيه كي لقاها حاضياه، حتى تعصب و هو يوقف.
شمس: فين غادي؟
يازيد ما جاوبهاش هز الڤيست ديالو،تخطاها و مشا،لكن وقفاتو بكلامها.
شمس: راجلي
يازيد(وقف و زفر بغضب عاد ضار لعندها): أش باغا؟
شمس: مرتك كاتوحم على الكرموس و بغاتك تجيبو ليها فاش تكون راجع من الخدمة
يازيد طلعها و هبطها، بتاسم بسخرية و مشا، في حين هي رجعات كملات فطورها بهدوء.
فوسط الكوميسارية و بالضبط وسط المكتب ديال أنور،كانت مريم لابسة اللبسة ديال الضباط و جالسة فبيرو ديالها وجدوه ليها خصيصا ليها و لفراس و بعيد عليهم شوية كاين البيرو ديال أنور.
مريم ملي دخلات و هي غير كاطرطا بملل، حيت من الصباح ما عطاها انور حتى شي مهمة و ما خلاهاش تعاونو فخدمتو حيت خايف لا تدير ليه شي كارثة في حين فراس صيفطو مع مصعب باش يتكلف بيه.
بقات جالسة و حاضياه كيفاش كي خدم و على وجهو ملامح جدية، حطات يديها على البيرو و حطات راسها عليهم، كاتشوفيه و كاتنهد بحب، و هو غارق فخدمتو ما كي شوفش فيها حيت انور يضحك معاها فكلشي الا الخدمة.
