🥀قلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡35
مريم سكتات و بقات غير كاتشوفيه و كاتفكر فالهدرة لي قال،ديك الجملة ديال ما بقا ليه والو معانا ما بغاتش تفهم ليها، عقلها وقف عن التفكير و قلبها بدا كي ضرب على الجهد، بلعات ريقها و خدات نفس طويل، هزات عينيها فيه و قالت بحيرة شديدة...
مريم: كيفاش ما بقا ليه والو معانا؟ واش مريض و غادي يمشي لشي بلاصة يتعالج؟
مصعب: لا ماغادي لفين غادي يمشي لعند ربي
مريم (سكتات لمدة كاتفكر، شوية كشرات ملامحها بحدة و قالت): واش كاتفلى عليا؟ هو لي صيفطك تقوليا هاد الهدرة باس نرجع ليه ياك؟
مصعب(عقد حواجبو): بنت ليك برهوش انا؟ كانقوليك السيد مريض و قريب يودع و نتي كاتقولي ليا صيفطني ليك؟ حتى يكون بعدا قادر يهدر و لا يتحرك
مريم(غمضات عينيها و حركات راسها بلا): لا لا ما يمكنش
مصعب(تنهد):من الاحسن تمشي تزوريه، باش ما تندميش من بعد
مريم(حلات عينيها و شافت فيه):شنو بيه؟ شنو لي خلاه يمرض؟
مصعب: ما عرفناش، الطبيب قال بلي خاصو ضروري يمشي للسبيطار باش يكشفو عليه و يعرفو مالو
مريم(عقدات حواجبها): و شنو كاتسناو؟
مصعب: ما بغاش يمشي، حاولنا معاه ما مرة ما جوج و لكن رافض
مريم سكتات و بقات كاتدورها فدماغها، جا فبالها السم لي دارت ليه فالاكل و هي تبلع ريقها بخوف، رجعات شافت فمصعب و قالت...
مريم:باقي عندو أمل؟
مصعب كشر ملامحو بحزن و حرك راسو بلا، في حين مريم زيرات على قبضة يديها و قالت...
مريم: احم، ما تخافش هو غادي يولي بخير
مصعب(تنهد): ما حدو رافض يتعالج ما غادي يولي والو بخير أ مريم
مريم سكتات كاتفكر واش تقول شنو بيه و لا تبقا ساكتة حسن ليها، و واخا گاع تقول شنو لي خلاه يمرض هو راه رافض اصلا يتعالج، يعني إفشائها بداك السر ما عندو فاش يفيد، و إنما خاص شي حد يقنعو باش يمشي للسبيطار.
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
