🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡75
دازو أيام قليلة و العرسان الجدد رجعو لديورهم،فراس و سمر ساكنين مع محسن و دليلة بين ما وجدات الشقة لي خدا فراس و لي كي شريو ليها أثاثها.
ميساء و يانيس سكنو بوحدهم جنب منزل يازيد و شمس لي كي طل على البحر اما سحر فرجعات لدارها مع سراج من بعد ما بعدات عليها لمدة أربع سنوات.
فصباح هاد النهار،كان انور واقف امام المراية ديال الدوش و حداه براء واقف على الكرسي و بجوجهم كي حكو سنانهم، انور ولى هو لي كي وجد براء للمدرسة حيت الى عول على مريم عمر الدري
يمشي لمدراستو،ولات غير كاتعنس بسبب الحمل.
غسلو سنانهم و مشاو للدريسنغ باش يلبسو حوايجهم،انور كي لبس ليه فحوايجو و هو كي سول فيه بفضول...
براء:علاش ماما ولات كاتنعس بزاف؟
أنور:حيت كسولة
براء(كشر ملامحه):ماما ما كاسولاش
أنور:ماماك حاملة داكشي علاش كاتنعس بزاف
براء:واش حتى هما كي نعسو؟
أنور:هما ديما ناعسين(لبس ليه الكارطابل،شد ليه يديه و جرو معاه) يالاه الطرونسبور قرب يوصل
براء:امتى غادي تدينا للبارك انا و قصي؟
أنور(هابطين مع الدروج):فالويكاند
براء(شافيه):انا فاش غادي نكبر غادي نولي بحالك(خرجو من الدار و وقفو حدا الباب بين ما جا الطرونسبور)
أنور:علاش بغيتي تولي بحالي؟
براء:حيت نتا كاتشد الناس الخايبين(كشر ملامحه) و لكن قصي قاليا هو بغا يولي خايب و الى كبرت واش خاصني نشدو؟ هو راه صاحبي
أنور:القانون هو القانون اولدي واخا يكون صاحبك
براء(عوج فمو كي فكر):اممم لا واخا هاكداك ما نقدرش هو عزيز عليا بزاف
انور(بتاسم و قال و هو مسايرو فكلامو):اوا وقف ضد القانون على قبلو
براء(حرك راسو):واخا
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
