🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡49
أصبحنا و أصبح الملك لله، جا يوم جديد فاقو فيه ناشطين و فرحانين، دوشو بجوج و طيبو فطورهم مجموعين، كي هدرو و يضحكو بحال الى عمر الخلاف كان مسيطر على علاقتهم،هي نسات گاع داك العذاب لي دوز عليها لا من ناحية العذاب النفسي و لا الجسدي،في حين هو قدر يقنع راسو باش يرجع يثيق فيها و عمرو يفكر بلي شي نهار غادي تخلى عليه ثاني.
الناس كي صلحو علاقاتهم بحوار دافئ، أنور و مريم صلحوها بعلاقة حميمية جامحة، حيت ديك الليلة كانت بمثابة مرهم لجروحهم،و خلاتهم ينساو لي فات و يشوفو مستقبلهم مع بعضياتهم و مع ولادهم لي جايين فالطريق.
كانو جالسين بجوج كي فطرو، و انور غير كي شوف فمريم لي حاطة يديها على نيفها حابسة رائحة البيض من انها تشمها،روعات ليها خاطرها بسبب الوحم و ما حملاتش ديك الريحة.
أنور: دابا انا ما فهمتكش
مريم: اممم
أنور: مرة يعجبك البيض مرة لا
مريم(كاتهضر من نيفها): هزو عليا من حدايا
أنور(تنهد): واخا
هز الطبسيل لي فيه البيض و مشا حطو فالكوزينة عاد رجع لعندها، جلس و قال بتسآل...
انور: و لكن علاش فاش كنتي كاتطيبي فيه ما سديتيش نيفك؟
مريم(خدات نفس طويل): ما عرفت راه الهرمونات ديالي كي تبدلو تء
انور: قولي ليا، واش كاتحسي بلي حاملة بربعة؟
مريم:وا باقي حتى ما كملت شهرين، مالك مكلخ؟(صغرات فيه عينيها) ياك ما تعاديتي؟
انور: انا عنيت زعما واش كاتحسي بالجسم ديالك كي تبدل
مريم: ييه و حتى المزاج ديالي و كل مرة و كيفاش كي كون
أنور(تنهد بقلق): دابا كي غادي تديري تولديهم و نتي صحتك على قد الحال؟
مريم:بزاف عليك، واخا تشوفني هاكدا راني صحيحة،من غير هادشي الام فاش كاتكون كاتولد ربي كي عطيها واحد القوة من عندو
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
