قلب يخشى الحب

PART♡53

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡53

بقات كاتبكي و تضرب الباب بقبضة يديها، و كاتغوت لكن صوتها غادي و كي نقص و هي كاتفقد الامل فأن شي حد يجي و يعتقها،و يمكن ما غادي يجيو حتى تبان ليهم العافية خارجة من الشراجم، بدات كاتكحب حيت رائحة الحر..يق غادة و كاتجهد و صافي تأكدات بلي اليوم مو..تها.

شوية قررات تدير شي حاجة باش تعتق راسها فبلاصة ما تسنا شي حد أخر، وقفات و هي مخبية نيفها باش ما تستنشقش ديك الريحة و تخنق.

دارت لجهة الكوزينة لكن ما بانت ليها لا عافية لا والو،تعجبات حيت الطريقة باش تشعلات فاللول كاتبين بلي الكوزينة كلها غادي تشد فيها عافية، بدات كاتقرب بخطوات بطيئة حتى وصلات للكوزينة و هي توسع عينيها ملي بانت ليها العافية باقا غير فالمقلة و ما تشداتش فالحيوط و لا فشي حاجة اخرى، حيت طلعات غير فاللول و رجعات تطفات لكن بقات شاعلة فالمقلة.

هنا جمعات شتات نفسها و مشات كاتجري دارت داكشي لي كان عليها تديرو من اللول، طفات البوطة و مشات للثلاجة هزات قرعة ديال الما و بقات كاتخويها على العافية لي شادة فالمقلة حتى طفات.

عاد لاحت داكشي لي فيديها و تنهدات براحة، شافت فالمقلة لقاتها ولات كحلة و كلها حموم أما البطاطا ما بقاتش كاتبان، عضات على شفايفها و عينيها تغرغرو ثاني بالدموع، شوية بداو كي هبطو بسرعة مخليين اثارهم على خدودها.

ماكاتبكيش على قبل المقلة و لا البطاطا لي تحر..قات، بل على الخلعة لي ركبات فيها، واخا لمدة قصيرة و لكن حسات بلي المو..ت كانت قريبة منها و بزاف.

  بسبب شكون؟ بسبب كلاخها اولا و ثانيا بسبب أنور لي ساد عليها الباب،و كون دابا فعلا تشعلات العافية كانت غادي تبقا تما حتى تمو..ت مخنوقة و محرو..قة.

خلات الكوزينة هاكداك مرونة و مشات لبيتها تلاحت فوق الناموسية و بقات كاتبكي،ما كرهاتش تجمع حوايجها دابا و تمشي فحالها من بعد ما يجي و يحل ليها الباب، لكن واعداتو بلي عمرها غادي تخلى عليه و ما تقدرس تحنث بالوعد لي عطاتو كيف ما دارت قبل.

داز الوقت و أنور عاد خرج من الكوميسارية من بعد ما جا الشاهد و خداو الافادات ديالو، لكن ماكانتش عندهم شي إفادة كبيرة، فقط كان شافو حدا واحد الحانوت فالدرب لي ساكن فيه نيت داك الطفل لي تخط..ف، و هادشي ما عندهم فاش إفيدهم خاصة و ان ديك المنطقة فين شافو هاد الشاهد ما فيهاش كاميرات.