🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡40
شمس غير سمعاتو اش قال الما جمد ليها فالركابي،بقات غير كاتشوفيه و كاتبلع فريقها من فرط الخوف و التوتر، حتى كاتقفز ملي قال بصوت زاد ركب فيها الرعب...
يازيد: اقسم ليك بالله و ما تحليه دابا حتى نديه عند لي يحلو ليا فثانية
شمس(خدات نفس كاتحاول بيه تحكم فراسها):لاش بغيتيني نحل ليك التيليفون ديالي؟
يازيد: بغيت نشوف التيليفون ديال مرتي كاين شي مشكل؟
شمس:و انا عمرني قلبت ليك ديالك؟
يازيد(حرك ليها راسو): واخا(جبد التيلي ديالو حطو فوق الطبلة و دفعو حتى وصل لعندها) ها هو بلا كود حليه و قلبيه
شمس(بلعات ريقها): يازيد ماغاديش نقلبو ليك حيت كانثيق فيك نتا لي شاك فيا
يازيد: ياك متأكدة بلي ما فيه والو؟
شمس حركات راسها بأه و قلبها كي ضرب على الجهد
يازيد: اوا حليه الالة ما عندك مناش تخافي
شمس(بقات مدة كاتشوفيه و كاتحاول ما تبينش خوفها): لا الى كنتي شاك فيا سير داوي راسك من مرض الشك
يازيد: ما بغيتيش ياك؟
شمس(بلعات ريقها): لا
يازيد(وقف): واخا
قال هاد الكلمة و عطاها بظهرو و مشا باش يديه لعند لي يحلو ليه، في حين هي وسعات عينيها بصدمة و مشات كاتجري لعندو بغات تشدو باش ما يخرجش، و غير حطات يديها على دراعو و هو يدفعها حتى رجعات باللور، خرج و سد الباب ديال برا بالساروت باش ما تبعوش.
شمس بدات كاتضرب فالباب و تغوت بإسمو باش يرجع و لكن كان ركب فالاوطو ديالو و مشا،خلاها كاتقفقف بالخوف حيت عرفاتو غادي بيه باش يحلو و إلى مشا حتى حلو قفارت عليها.
بدات كاتسمع البكا ديال قصي و مشات لعندو بالخف لقاتو ولا حمر بالبكا، عرفاتو تخلع ملي كانت كاتضرب فالباب و تغوت، تنهدات بضيق و هزاتو كاتسكت فيه،لكن ما بغاش يحبس من البكا، و هنا ضطرات تطلعو للفوق باش تحطو فالبلاصة لي كي لعب فيها.
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
