🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡60
نسيمة دوزات ديك العشية كلها مع سليمة،تعشاو غير هي وياها اما فؤاد ملي دخل لبيتو ما بقاش بان، حتى هي ما هتاماتش بالعكس مرتاحة هاكدا، حيت من الاول شرحات ليه و قالت ليه ما توقع مني والو حيت ببساطة ما كانبغيكش.
جاها النعاس و ودعات سليمة، مشات لبيتها و يالاه بغات تحل الباب و هي تلقاه مسدود، عقدات حواجبها بإستغراب و عاودات حلاتو لكن ثاني ما تحلش، زفرات بغضب و رجعات عند سليمة لي كانت مازال جالسة كاتفرج.
نسيمة: خالتي مال بيتي مسدود؟
سليمة(شافت فيها): كيفاش بيتك؟ اشمن بيت؟
نسيمة: البيت ديالي لي كانعس فيه
سليمة: اه راه سديتو باش نديرو بيت الضياف
نسيمة(وسعات عينيها): اويلي ا خالتي و انا فين غادي نعس؟
سليمة(ضحكات): باينة فين ا بنتي،عند بيت راجلك
نسيمة بلعات ريقها من ديك كلمة راجلك، دابا عاد أدركت انها ولات امرأة متزوجة رسميا و بلي فؤاد ولى راجلها و هي ولات على ذمته.
نسيمة: خالتي بغيت نعس فبيتي حسن ليا
سليمة: لا لا حشومة، نتي دابا مزوجة ما جاتش كل واحد فيكم فبيت بغيتي ربي يغضب عليك؟
نسيمة: يغضب عليا حيت بغيت نعس بوحدي؟
سليمة(وقفات و قربات ليها): اوا شنو ا بنتي يالاه سيري سيري
نسيمة: و لكن...
سليمة(قاطعاتها): يالاه سيري ترتاحي تصبحي على خير ا بنتي
نسيمة بقات غير كاتشوفيها و هي كاتطفي التلفازة،شوية تخطاتها و مشات لبيتها نعسات، خلاتها واقفة تما كاتبلع ريقها بتوتر، شنو تدير دابا و الباب مسدود؟ تنعس فالسيجور و تصبح مجمدة بسبب البرد؟
زفرات و عنكشات شعرها بغضب حيت سليمة حطاتها فموقف خايب و كون غير كان فؤاد شي شخص لي زاعمة ليه راه هانية، و لكن هي دايرة حدود بيناتهم و هدرتها معاه رسمية بزاف، من غيرو هو لي كي دير محاولات و لكن كي فشلو أمام عنادها.
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
