🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡63
ميساء فبيتها كاتزين وجهها بمستحضرات التجميل على قبل هاد اليوم المميز و لي من شحال و هي كاتسنا فيه،سالات من وجهها و ناضت لبسات كسوة فالابيض لاصقة عليها و مبينة قوامها الانثوي.
وقفات قدام المراية كاتشوف انعكاسها فيه و كاتزفر من الاعماق باش تحيد التوتر لي كاتحس بيه، و أي وحدة فبلاصتها ضروري ما توتر فبحال هاد النهار.
دخلات عندها غزلان لي جات خصيصا باش توقف معاها فنهارها، كانت حتى هي لابسة و مقادة و جات بوحدها في حين رهف خلاتها عند أمها حليمة.
غزلان(قربات لعندها): صافي ساليتي؟ راه جاو
ميساء(دارت لعندها): مالهم زربانين؟ اويلي انا قلت ليه جي مع ل6 و هو جاي ليا مع ل5 و نص
غزلان(ضحكات): بحال بحال راه ما قادرش يصبر مازال
ميساء(رجعات شافت فالمراية): اوووف را ربي حيد مني هاد الخلعة
غزلان: ما تخافي والو غير هاد الدخلة لي صعيبة
ميساء(تنهدات): فخبارك ما كرهتش نلغي كلشي و نجلس للأرض حيت قلبي كانحس بيه غادي يسكت
غزلان: بغيتي يانيس يحماق لينا و هو مسكين ما صدق ماماك قبلات بيه
ميساء(شافت فيها): اجي ياك ما ماما قالت شي حاجة ما عجباتوش؟
غزلان: لا لا جالسة كاتهدر مع ضحى مجمعة معاها
ميساء:واخا(خدات نفس طويل) يالاه زيدي
ميساء شدات فغزلان و خرجو من البيت متوجهين للصالون فين كاينين، هبطو مع الدروج و ما حدهم كي قربو و ميساء كاتزيد توتر خاصة فاش كاتسمع اصوات الكلام ديالهم، و قبل ما يدخلو وقفات و شافت فغزلان...
ميساء: ناري لا صافي ما بغيتش
غزلان: اويلي حتى لدابا عاد ما بغيتيش(شدات فيها)زيدي زيدي
ميساء(وقفاتها): صبري صبري
غزلان(كاتجر فيها): تي زيدي راه خاصني نرجع باش نرضع بنتي
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
