🥀قَلْـــــــبٌ يَخْشَـــــــى الحُـــــــب🥀
🏹الفصـــــــل الثالث:سهــــمها أصـــاب قلبــــي🏹
𝓢𝓱𝓮 𝓦𝓸𝓵𝓯✒️بقلــــم
𝓟𝓪𝓻𝓽♡28
ميساء وصلات للكلينيك و طلعات النيشان لعند سحر تطل عليها و وجها صفر بالخلعة،وصلات للغرفة لي فيها سحر و حلات الباب دخلات،شوية وقفات ملي بان يانيس جال فوق الكرسي و هاز التيلي كي بقشش فيه،تقدمات خطوات للأمام و حولات عينيها لجهة إكرام لقاتها ناعسة، رجعات شافت فيانيس لقاتو ملهي مع التيلي ديالو، كشرات ملامحها و قربات ليه بخطوات بطيئة و بلا ما تدير الحس باش تشوفو أش كي دير،وصلات لعندو و وقفات وراه كاتشوف فالتيلي،بان ليها داخل لشي محادثة من الواتساب و هي تزيد تقرب باش تشوف معامن، قربات أكثر حتى وصلات لعنقو و هي تخسر سيفتها ملي قرات اسم جميلة.
بقات كاتحاول تقرا دوك الميساجات لكن ما بانوش ليها مزيان و هي تزيد تقرب كثر حتى بدا يانيس كي حس بأنفاس ساخنة كي ضربو ليه فعنقو، دور وجهو دغيا و هما يجيو شفايفو على خد ميساء، هاد الاخيرة لي وقفات ديك الساعة و دارت يديها على حنكها، شافت فيه و عضات على شفايفها بإحراج.
يانيس(طفا التيلي و هز فيها عينيه): شنو كنتي كاتحاولي تديري؟
ميساء(حيدات يديها من حنكها): احم والو
يانيس: و علاش كنتي مخشية وجهك فيك؟
ميساء(كاتبدل الموضوع): كيف بقات سحر؟
يانيس(شاف فسحر و قال): مازال ما فاقت و لكن الطبيب قال بلي حالتها مزيانة
ميساء(تنهدات براحة):الحمدلله على سلامتها خلعاتنا عليها(شافت فإكرام)و خالتو؟
يانيس(تنهد): عيانة بزاف البارح سخفات و ملي فاقت الصباح و هي غير ناعسة
ميساء(تنهدات بحزن):مسكينة غادي تكون تصدمات(جرات كرسي و جلسات حداه) و نتا شنو كاتدير هنا بوحدك؟
يانيس: و نتي مالك؟
ميساء: غير سولتك
يانيس(تنهد): انا حكم عليا عمي سيف نبقا مع خالتي أكرام
ميساء: علاش شنو وقع؟
يانيس: سراج سخن عليه راسو و جا ضرب عمي سيف
ميساء(شهقات و دارت يديها على فمها): اويلي؟
أنت تقرأ
قلب يخشى الحب
Romance༺مكتــــــــــــملة༻ 🥀رِوَايـــــــــة قَلْـــــــبٌ يَخْشَـــــــى الحُـــــــبْ🥀 ♡الجــــــــزء الثانــــي لقصــــــة: خبــــــز و مـــــــاء♡ 🍷بقلمــــــــي: 𝓢𝓱𝓮 𝓦𝓸𝓵𝓯🍷 🌙رغم ذلك هاد الجزء ما عندوش علاقة بالجزء الأول يعني يمكن ليكم تق...
