قلب يخشى الحب

PART♡27

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡27

فخر: النبض ديالها ضعيف بزاف خصنا نديوها للسبيطار قبل ما يفوت الحال

إكرام(كاتبكي): سربي ا فخر الله يرحم ليك الواليدين

فخر رجع شاف فسحر و جبدها من البانيو كلها فازكة،فزگ حتى هو بالما لي كان مخلط بالدم ديالها لكن ما هتمش حيت الهم ديالو الوحيد هو يعتق بنتو.

خرج من البيت و هو هازها و معنقه،هبط بالجرى لتحت و إكرام حتى هي تابعاه و كاتبكي، حتى خرجو من الدار و مشات إكرام ركبات فاللور باش يحط سحر عليها.

و داكشي لي دار حط سحر اللور و راسها محطوط على حجر مها لي كاتمسح ليها على شعرها و تبكي في حين فخر ركب فبلاصتو و ديمارا مكسيري للكلينيك.

مسافة الطريق و كانو وصلو، فخر هبط و مشا عيط على المسعفين لي هزو إكرام و داوها على وجه السرعة للإنعاش بحكم حالتها خطيرة، في حين فخر و إكرام بقاو واقفين تما كي تسناو أخبار على بنتهم الوحيدة.

فخر دوز يديه على شعرو و زفر كي ستغفر مولاه و كي دعي مع بنتو لي خايف عليها بزاف و الى ماتت موحال واش يقدر يتجاوز موتها، وجه شوفاتو لإكرام بانت ليه كاتبكي و حاطة يديها على قلبها لي كي حرقها، تنهد بضيق و مشا لعندها جرها و عنقها مزير عليها، إكرام حتى هي بادلاتو العناق و بقات كاتبكي فالحضن ديالو.

شوية هزات فيه عينيها الحمرين بالدموع و قالت بصوت غالب عليه البكاء...

إكرام: عافاك عيط لسيف محتاجاه

فخر حرك ليها راسو بواخا و بعد شوية، هز التيلي ديالو و دوز النمرة ديال خوه.

هاد الأخير لي كان جالس كي تعشا مع قمر و انور و مريم هاد الجوج لي ما كي دويوش مع بعضياتهم، كل واحد فيهم مقلق من الثاني، شوية سيف كي صوني ليه التيلي ديالو هزو و غير شاف اسم فخر عقد حواجبو بإستفهام و جاوب.

قمر و أنور كانو بجوج كي شوفو فيه و هو كي هدر مع خوه و لاحظو اللون ديال وجهز لي تبدل مع كل كلمة كي سمعها من فخر،شوية كي بان ليهم وقف و مشا بعد عليهم

سيف: انا جاي دابا و خليك مع إكرام ما تفوتهاش

فخر: واخا أ خويا