قلب يخشى الحب

PART♡73

🥀قَلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡73

ياسو(دارت تشوف شكون لقاتها غزلان):طلقي مني عافاك ا غزلان

غزلان:فين غادة؟

ياسو(كاتنخسس):نرجع فحالي ما بغيتش نبقا هنا و لا غادي نحماق

غزلان(قربات منها كاتسمح دموعها):ما عندك فين تمشي ما حدك جيتي غادي تبقاي معانا حتى نرجعو مجموعين

ياسو(وجهها حمر بالبكا):لاش غادي نبقا؟شنو السبب لي يخليني نبقا؟نشوفو قدامي كل ساعة و انا عارفاه غادي يخطب وحدة اخرى؟(حركات راسها بلا)لا لا ما نقدرش خاصني نمشي

غزلان(بهدوء):طلعي ندويو طلعي

غزلان حلات ليها الباب الخلفي من السيارة حتى طلعات و طلعات حتى هي حداها،ياسو شدات راسها بين يديها و بقات كاتشهق و الدموع فعينيها.

غزلان:كيف ما قالت ليك مريم البكا ما عندو باش يفيدك دابا، مصعب مقصح بزاف من جهتك و من حقو،راه عطا فرص كثيرة لهاد العلاقة و كلهم كي فشلو شنو بغيتيه يدير؟

ياسو(شافت فيها بعيون حمراء):يمشي يخطب؟ دغيا؟يدير غير بوجه داكشي لي دوزنا بجوج و لا كان غير كي تسنا الفرصة باش يسالي معايا و ينوض يتزوج

غزلان:لا السبب علاش بغا يخطب وحدة اخرى حيت عند بالو غادي تنسيه فيك(تنهدات بضيق)راه كون تشوفي حالتو يبقا فيك،من داك النهار و هو هاكدا تبدل بزاف و حتى الضحكة ما بقاتش كاتبان فوجهو

ياسو(حدرات راسها و قالت بحر..قة):كون تشوفي انا،ما بقيت لا ناكل لا نشرب خدمتي هي الاخيرة ما بقيتش قادرة نمشي ليها(شافت فيها)و ما رجعات فيا الروح حتى عيطتي ليا و قلتي ليا نجي عندكم(هبطو دموعها)حيت عطيتيني أمل بلي غادي نرجعو حتى كانتصدم بالهدرة لي قال أنور

غزلان:و مالو تزوج؟ راه باقي الحال و مازال عندك فرصة

ياسو(مسحات دموعها):الى كان باغيها و باغاه ما نقدرش نوقف فطريقهم(نزلو ثاني دموعها) الله يسهل عليهم

غزلان:وا الهبيلة وا راه البنت لي ناوي يخطبها ما فخبارها والو

ياسو(حركات راسها بلا):واخا هاكداك المهم هو باغيها