قلب يخشى الحب

PART♡45

🥀قلْـــــــبٌ يَخْشَـــــــى الحُـــــــب🥀

🏹الفصـــــــل الثالث:سهــــمها أصـــاب قلبــــي🏹

𝓢𝓱𝓮 𝓦𝓸𝓵𝓯✒️بقلــــم

𝓟𝓪𝓻𝓽♡45

كلشي فهاد اللحظة مصدوم من داكشي لي شافو، مَرْيَمْ و أنور كانو واقفين و كي شوفو فمريم لي عينيها فالارض و الدموع هابطين على خدها، الحاجة الوحيدة لي جات فبالها دابا هي أنها فقدات ولدها.

بدات ثاني كاترعد و هزات فيهم عينيها لقاتهم كي شوفو فيها،حطات يديها على اسفل كرشها و رجعات بخطوات للوراء حتى وصلات للفوتوي و جلسات كاتبكي بصوت مرتفع، هنا مَرْيَمْ عاد فاقت من الصدمة و مشات بالخف لعندها،جلسات على ركابيها و شدات ليها فيديها كاتحاول طمأنها.

مَرْيَمْ: قولي ليا واش نتي حاملة؟

مريم(كاتبكي و تحرك راسها بالإيجاب): اه اه

مَرْيَمْ: واخا تهدني و ماتعصبيش و إن شاء الله البيبي ماغادي يوقع ليه والو واخا؟

مريم(بترجي): عافاك عتقي ليا ولدي

مَرْيَمْ: ولدك بخير غير تكالماي(شافت فأنور لي كان باقي مصدوم فبلاصتو) الشاف خاصنا ندويها للكلينيك ضروري

ما جاوبهاش و عينيه مركزهم على ديك بقعة الد..م لي فالارض،مَرْيَمْ عرفاتو داخل في حالة صدمة و خصوصا مع حالتو فهاد الاواخر خاصو يبعد كليا على اي حاجة كاتسبب ليه الاعصاب و لا الضغط.

ضطرات تعامل مع الوقف بوحدها و ناضت خرجات من تما كاتجري، في حين مريم جالسة كاتبكي و الحر..يق فأسفل كرشها غادي و كي تزاد، شوية هزات راسها فأنور لقاتو كي شوف فالد..م لي فالارض، رمقاتو بنظرات حاقدة و قالت بنبرة صوت حادة...

مريم: الى وقعات شي حاجة لولدي ما نسمحش ليك

أنور أخيرا هز عينيه فيها و جاو مباشرة فعيونها الدامعة، بلع ريقو و زير يديه باغي يمشي لعندها و لكن ما قادرش،قلبو كي ضرب بالجهد و العرق فجبينو كي هبط، ما يمكنش ليه يبقى تحت هاد الضغط و لا كلشي غادي يضيع.

من بعد دقائق قليلة دخلات مَرْيَمْ و مشات عند أنور النيشان شداتو من يدو و جراتو حتى خرجو من تما،و حدا الباب تلاقاو مع الضابط علاء لي كانت تلاقات معاه مريم اول مرة جات فيها للكوميسارية.

غمزاتو مَرْيَمْ قبل ما تجر معاها انور للمكتب ديالها، في حين علاء مشا لعند مريم و هزها بالخف خرجها من تما باش يديها للكلينيك.