القاتلة

الفصل الثاني:ذكريات

لم تكمل جملتها بسبب الصفعه التي تلقتها ارتطمت علي الارضيه بشدة إثر تلك الصفعه سالت الدماء من شفتيها لم تقدر علي الحراك بسبب كثرة الضربات واللكمات التي تعرضت لها علي إثر صوتهم العالي أتت والدتهم
الام:فيه ايه ياكرم صوتكم عالي ليه وانت مشلفط وش أسيل كدا ليه
كرم:الهانم بقولها اعمليلي فنجان قهوة بتقولي بكل بجاحه لا وانا مالي اعمل لنفسك انت اتشليت في ايدك وبدون مقدمات أمسكت الأم حفنه من شعر أسيل ووجهت عدة صفعات لها
الأم :بقا انتي يا حيوانة بتقولي لأخوكى لا وكمان بتدعي عليه
أسيل وسط دموعها المنهمرة علي خديها:والله يا ماما انا قولتله غير كده خالص هو بيكدب
كرم:انت بتكدبيني يا بت انتي
الأم:ولا كلمه انت روح يا كرم الاوضه هدي أعصابك وانا هبعتهالك زي الكلبه باحلي فنجان قهوة ليك يا روح ماما
كرم:اما نشوف الهانم نسيت نفسها وعملالي فيها ملكه
الأم:قومي يا حيوانة روحي اعملي فنجان قهوة بسرعه أسيل نظرت إليها بنظره كلها دموع وخذلان من تلك المرأة التي تدعي والدتها:حاضر اي أوامر تانية
الأم:لا وانا هاعوز من وشك العكر ايه غير شغل الخدامين هل نعتتها بل الخادمة تلك الملامح البريئه صاحبت العينين الخضراء والبشرة الحليبية والطول المتوسط والشعر البني الحريري الذي يتخطى ظهرها بالكامل افاقت من تلك الذكري البشعه و هي تطرق الباب وتدلف الي غرفة اخيها كي توقظه
أسيل:كرم لو سمحت ممكن تصحي عشان تفطر كرم. كرم.اصحي لو سمحت الفطار هيبرد
كرم:خلاص صحيت يا حيوانة انتي امشي غوري من هنا وبعدين دا وش الواحد يصطبح بيه برااااا
أسيل:انا آسفه خلاص هامشي وبعد أن اجتمع كل من كرم وأمهم نادية
الأم:السنه دي اخر سنة في كلية الهندسة يا حبيبي وتتخرج عايزه اشوفك اشطر وانجح مهندس يا روح ماما
كرم:بإذن الله يا ماما متخافيش انا زي كل سنة بطلع الخامس علي الدفعه متقلقيش
أسيل في سرها:وهو اللي ذيك يعرف ربنا حسبي الله ونعم الوكيل ربنا يحاسبك علي كل اللي عملته فيا انت وامك
الأم:عارفه يا حبيبي وواثقة في نجاحك بس السنادي عايزاك تطلع الأول
كرم:سلام بقى عشان متأخرش
الأم:سلام يا روحي استني خد دول خليهم معاك لو احتجت حاجة أخرجت له عدد من الورقات النقديه لا بأس بها نظرت أسيل لها بعيون تلمع بالدموع فإنها بالرغم من انها لها احتياجتها إلا أن ناديه لا تعطيها قرش واحد عند هذه اللحظة حمدت أسيل ربها أن والدها ترك لها وديعه في البنك بأسمها
نادية:انت يا ذفتة بتبصي كده ليه يلا عشان تلمي باقي الفطار ورقي المكان واغسلي الاطباق أنا عايزه الشقة بتبرق
أسيل:اي أوامر تانية
نادية:لا بس اكيد لو جيت وملقتش حاجه من إللي قولتها اتنفذت يومك مش هيعدي وحسابك هيبقي عسير
أسيل:تمام هعمل كل إللي حضرتك طلبتيه وبعد أن خرجت نادية من البيت الي عملها كمدرسة كيمياء في المدرسة الثانوية الخاصة بالاولاد
أسيل:هو يوم باين من أوله استعنا علي الشقه بالله بدأت أسيل تنظف المنزل وكل ركن كيف تبدل حال المنزل بين ليلة وضحاها استنجت أن من قام بقلب البيت رأسا علي عقب كرم بسبب انه غير منظم ويضع اشياءه في كل مكان فإنها تجد جورابه تحت السرير وكتبه في المطبخ وملابسه علي الاراءك ظلت تسبه في عقلها فلو كانت قادرة علي ابراحه ضربا لكانت انهت علي حياته بسبب الضرب بعد انتهائها من ترتيب المنزل اعدت الغداء المكون من صانية البطاطس بالدجاج والارز بالشعرية والسلطة بالاضافه الي عصير الفراوله والحلويات انتهت من كل ذلك وبدأت في مذاكرتها في هي الصف الثالث الثانوي علمي علوم فالبرغم من أن والدتها اعترضت طريقها إلا انها أصرت بعد معاناة من أن تحقق حلم والدها بأن تصبح اشهر طبيبة جراحة جلست علي المكتب تقوم بفتح فيديوهات الشرح كي تقوم بإنهاءهم أسيل :اه ياني يا باااا امتي ارتاح من الهم اللي انا فيه ده انا زهقت من المعاملة اللي تقصف العمر دي بس هقول ايه الحمدلله اكيد في ناس عايشه أسوء مني او مش لاقيين بيت يعيشوا فيه الحمدلله يارب بعد انتهاء أسيل من المذاكرة سمعت صوت الباب يفتح و....يتبع