كان فاروق ينظر إلى الأوراق بتركيز شديد.....
"أسيل بما انك جاية معاية المحكمة لازم تلبسي زي رسمي في عندك بدل نسائية "
حمحمت أسيل بحرج فهي كانت لا تهتم بملابسها لا ترتدي اشياء ملفتة فقط ملابس جميعها فضفاضة....
"لا يا سيادة المستشار بس لو تديني نص ساعة بس في محل ملابس قريب من هنا مسافة عشر دقايق "
نظر لها فاروق بمحبة وقال....
"طب استني خدي دي "
اعطي لها بطاقة ائتمانية ولكن أسيل لم تأخذها وشددت علي كلامها وقالت....
"لا شكرآ يا سيادة المستشار ربنا يخليك حضرتك عارف بابا سايبلي وديعة وانا بصرف منها شكرآ ليك "
نظر لها فاروق كأب يعاتب ابنته....
"أسيل خدي الفيزا مش عايز نقاش ولا الواد الهمجي دا منبه عليكي متخديش فلوس من حد "
تلون وجه أسيل بالأحمر وقالت بصوت متحجرش....
"لا بس الفكرة إني متعودتش حد يديني فلوس "
قام فاروق من علي الكرسي وربت علي كتفها وقال.....
"وأنا حد يا أسيل انا زي بابا خدي الفيزا ويلا عشان متتأخريش الجلسة هتبدأ عشرة والساعة دلوقتي تمانية قدامك نص ساعة يلا "
تنهدت أسيل ففاروق يعاملها حسن المعاملة خرجت من المبني وذهبت إلي محل تجاري خاص بالملابس يبدو عليه الرقي دخلت أسيل من باب المتجر وذهبت إلي قسم الملابس الرسمية للنساء جذب عينيها بدلة نسائية سوداء مع تيشيرت نصف كم بيضاء ذهبت للبائعة واخبرتها بمقاسها وجدته واخذته بسرعة فلا يوجد وقت لقياسه مرت من أمام متجر للاحذية فكرت بصوت عالي وقالت.....
"الطقم ده ناقصه كوتشي ابيض ويبقي كده تمام "
دخلت أسيل المتجر وقامت بشراء أول حذاء وقع عليه الاختيار خرجت بسرعة وفي غضون دقائق ابقت ما ابتاعته في الشقة ونزلت إلي المكتب كي ترتب الأوراق.....
"سيادة المستشار أنا جيت "
نظر لها فاروق بعتاب وقال....
"برضه يا أسيل مصرفتيش من الفيزا لأمتي هتبطلي كسوف .....
تنحنحت أسيل وقالت .....
"والله يا سيادة المستشار مقدرتش بس انشاء الله لو في مرة تانية مش هتردد "
هز فاروق رأسه باستياء وقال....
"تمام يلا نظمي الورق ورتبي مواعيد المقبلات "
احنت أسيل رأسها بعملية وقالت.....
"حاضر بس ياريت تبلغني قبليها بنص ساعة عن الجلسة عشان اجهز "
أوما لها فاروق وقال.....
"تمام يا أسيل بس ياريت تجهزي بسرعة "
أنت تقرأ
القاتلة
Misterio / Suspensoتحيا حياة سعيدة مليئة بالحب في كنف والدها ولكن بعد موته تتغير المعاملة إلي الأسوء ولكن يأتي اليوم الذي سيغير مجري حياتها وتصبح قاتلة (السرد بالفصحي والحوار بالعامية المصرية)
