القاتلة

الفصل السادس:مصيبة

حور:لسة بتعزفي يا أسيل ولا بطلتي
أسيل:وانا اقدر أنسي الكمان دا نصي التاني بعزف كل أسبوع مره عشان ميشغلنيش عن دراستي
حور:ياااه وحشتني ايام الابتدائي كان الواحد لسه صغير ومش فاهم حاجة...
أسيل:ومين سمعك ياريتني ارجع طفله دا انا كنت عيل من يومين ببص لقيت العمر عدي....
حور:خلاص يا يعم الشاعر كفاية أحزان...
نظرت أسيل لها بتوهان:خلاص وصلنا يا حور مع السلامة......
حور:أسيل انا معاكي وفي ضهرك....
أسيل:ودا الشيء الوحيد اللي متأكده منه يا حور مش هلاقي زيك.....
حور:خلاص يا أسيل انشاءالله هنحلها متخافيش بعد أن وصلت أسيل الي البيت وجدته فارغ قامت بالطبخ كالعادة فهي لا تريد سماع كلام مسموم من والدتها....
أسيل:اه يارب وبعدين مع الولية دي انا كده خلاص جبت اخري دي القشة التي قسمت ظهر البعير انا من انهارده مش هسكت هتشوفوا مني وش تاني بس الصبر الامتحانات تخلص بس واهرب علي القاهرة اكيد اما هيصدقوا إني طفشت يارب سهلها.....
سمعت أسيل صوت الباب يفتح اكيد انها الملعونة نادية

نادية:أسيل يا حيوانة...
امتعض وجه أسيل بسبب ذاك اللقب ولكن للصبر حدود أسيل:ايوه يا ماما نادية كل شيء تمام اول شيء عملته بعد الامتحان طبخت وعملت كله.....
نظرت نادية بقرف إلي أسيل فهي كانت متوقعه أن أسيل ستذاكر للمادة التالية او ستنام من إجهاد الامتحان ولكن خالفت توقعاتها....

نادية:الا قوليلي يا أسيل الامتحان كان عامل ايه اكيد كان صعب عليكي......
أسيل في تفكيرها ايه الولية دي بتغني وترد علي نفسهاولكن افاقت علي هيئة نادية وهي تنظر لها نظرة سامة:لا كان كويس الحمدلله بالنسبة للي ذاكر وحل كتير.....
نادية :يعني انت كنتي بتذاكري مثلآ....
نظرت أسيل نظرة كلها تحدي:والله احب اقولك إجابة السؤال دا يوم النتيجة.....
نادية وقد اغتاظت من رد أسيل اللاذع فهي تعلم جيدآ أن أسيل من الطلبة المتفوقين منذ الابتدائية....

نادية:تمام يا أسيل بس احب اقولك اخرتك المطبخ وهنشوف.....
أسيل وقد ظهر علي علي وجهها علامات الاستنكار من تلك المرأة المحبطة:ومالوا هشوف انا كمان وبعدين العلم عند الله يا أستاذة نادية سبيكي من كلام ستي وستك ده المرأة دلوقتي بقت مش شاطره بس في المطبخ لا دي بقت ليها في كل المجالات وبعدين انت المفروض امي يعني ولا ايه.....

بعد تلك الكلمات اهتزت ملامح نادية وتجهمت اصبتها الكلمات في مقتل:اكيد امك يعني امال هتكوني بنت الجيران بطلي كلام يلا علي اوضتك يلا.....

نظرت أسيل لناديه بتحدي وكأنها تقول إنني أعلم الحقيقة يا رأس الافعي.......

أسيل وهي تدلف لغرفتها:كله بأوانه يا ست ماما ومسير الحقيقة تبان يا لداغ اللبان......

نادية من الصالة:بتقولي ايه يا حيوانة

أسيل:بغني أغنيه للشاعر الكبير معرفش اسمه....
جلست أسيل علي مكتبها تذاكر للغة الانجليزية فهي لغة صعبة للبعض ولكن أسيل تعتبرها سهله وبسيطه فهي تمشي بمثال (حب المادة المادة تحبك )لأنك بكل بساطة إذ اخذت الأمور بصعوبة ستصعبها اكثر علي نفسك فالبتالي ستكره المادة وتعتبرها مادة معقدة ......
أسيل وقد تهللت اساريرها لأنها انتهت من حل عشرين اختبار ألقت نظرة علي الساعة وجدتها الثانية عشر بعد منتصف الليل :ينهار ابيض الوقت خدني فعلا لما تقعد مع مادة بتحبها مش هتحس بالوقت يااااه ارتاح عشان ورايا يوم طويل.......