القاتلة

الفصول الثالث :تمرد

بعد انتهاء أسيل من المذاكرة سمعت صوت الباب يفتح
نادية:انت يا ذفتة
أسيل:ايوه يا ماما في حاجه انا رتبت ونظفت وغسلت ولمعت كل حاجة وحضرت الغدا تؤمري بحاجه تانيه
نادية:انت هتعدي إللي انت بتعمليه ولا إيه اياكي تكوني فاكره نفسك بتعملي الأمله يعني إللي انت بتعمليه دا اي واحده بتعمله ويمكن اكتر كمان
أسيل:بس انا بقول دا بحسن نية حضرتك خدتي الكلام بمعني تاني انا كل إللي اقصده اني اتميت كل حاجة انت طلبتيها مني بس
نادية:والله وبقي ليكي عين ولسان وتردي وتبجحي عيني عينك كدا عادي انتي اتجننتي في دماغك يا حيوانه
أسيل:حاشه لله يا ماما انا مش ببجح خالص علي العموم انا آسفه ثواني والأكل يكون محوط علي السفرة
نادية:بسرعة يلا انجري زمان اخوكي جاي تعبان من الجامعة
أسيل:حاضر
بعد أن وضعت أسيل جميع أصناف الطعام علي الطاولة سمعت صوت طرقات علي الباب
أسيل:ثواني جايه
كرم:كل دا عشان تفتحي يا جموسة انتي اطرشتي ابتلعت كلماته المهينة لها كأنها شربة ماء فكل يوم تسمع منه شتائم بذيئة
أسيل:لا يا كرم مش اتطرشت والله انت سامعني وانا بقول جايه وبعدين انت مكملتش دقيقة واقف
كرم:أنتي اتهبلتي في مخك بتردي عليا ازاي كده يا حيوانه
علي إثر صوتهم العالي أتت والدتهم إليهم
نادية:في ايه صوتكم عالي ليه
كرم:الهانم بخبط بقالي ساعة علي الباب والهانم اتطرشت
نادية:ومفاتيحك راحت فين يا كرم ضيعتها زي كل مره ا
كرم:لا يا ماما نسيتها
نادية:خلاص يا كرم مش لازم خناق زي كل مره ادخل يا قلب ماما خدلك دش واتغدي زمانك هفتان يلا عشان تريح أعصابك
هنا وفي تلك اللحظة ولأول مره منذ ثلاث سنوات تكون اسيل راضيه عن موقف والدتها
نادية:مش عايزه اي أخطاء مع اخوكي نهائى سامعه
أسيل:سامعه
نادية:انجري من قدامي مش اشوفك إلا لما تلمي بواقي الغدي وتغسلي الاطباق
أسيل:حاضر
بعد أن نظفت أسيل المكان ذهبت كي تنام فكانت الساعة تشير الي الحاديه عشره اتجهت الي غرفتها واخدت هاتفها اتاها اتصال من صديقة عمرها حور
أسيل:الو عامله إيه يا حور
حور:انا الحمدلله انت اللي كويسه بقالك اسبوع مخرجتيش فيه حاجه ولا ايه
أسيل:لا حاجة ولا محتاجه دا علي اساس ان انا بخرج مثلا انا قاعده ولا في سجن ويمكن السجن ارحم
حور:انت بتقولي ايه سجن ايه وبتاع قولي الحمدلله يا بنتي غيرنا مش لاقي بيت يلموا اي نعم امك واخوكي بيعاملوكي معاملة يهود بس هتعملي ايه محدش بيختار اهله
أسيل:الحمدلله مفيش غيرها بنقولها
حور:اخده بالك الامتحانات علي الابواب فاضل شهر مش مصدقه معقولة شهر وندخل الجامعة اللي إحنا بنتمناها
أسيل:قولي انشاءالله
حور:انشاءالله يا أسيل باجتهادنا وصلاتنا ودعانا هنجيب المجموع اللي يدخلنا كليه الطب جامعة القاهرة أسيل:آمين يارب
حور:سلام عشان انا عارفة انك عايزه تنامي
أسيل:باي
غطت أسيل في سبات عميق بسبب المجهود الذي بذلته اليوم بعد انتهاء الليل تشرق شمس الصباح بيوم حافل ملىء بالمفاجات استيقظت أسيل في الساعة السادسة صباحا أعدت الفطور كالعادة وطرقت علي غرفه أمها واخيها كي يستيقظوا واخبرهتم أن الفطور جاهز
نادية غريبة يعني صاحية كلك نشاط وحيوية
أسيل:عادي المفروض دا اللي يحصل لاني ورايا مذكراه كتير والامتحانات فاضل عليها شهر
نادية:والله ذاكرتي ما ذكرتيش ابقي قابليني لو جبتي مجموع يدخلك كليه زرايب حتي
أسيل:الله أعلم الغيب فيه ايه مش يمكن ربنا يخالف توقعاتك بالجد والاجتهاد والصلاة والدعاء كل شيء بيتغير عن إذنك ورايا مذاكره
نظرت نادية نظره ناريه فكلمات أسيل اخرستها
نادية في سرها:ان ما وريتك يا تربيه زباله مبقاش غير عيال الشوارع ويردوا علينا منك لله ياعبدالله انت اللي بليتنا البلوه دي كان لازم تعمل فيها شهم وتقول دي حتت لحمه حمره مرميه في الشارع نسيبها لكلاب السكك يلا اديك موت وسيبتلي القرف
كرم:صباح الخير يا ماما
بعد أن أفاقت ناديه من شرودها
نادية:صباح الخير يا كرم نمت كويس
كرم:اه تمام نمت كويس مالك سرحانه في ايه
نادية:لا مفيش اصل امتحانات الثانوية العامة قربت والمدرسة بتعمل التجهيزات والاوراق
كرم:زي دوشه كل سنه
نادية:اه افطر انت وظبط حالك وأمشي علي جامعتك عشان متتأخرش اه الفلوس علي الترابيزه
كرم:ماشي تمام بس انهارده هيكون اليوم طويل بسبب إنى ورايا محضرات يمكن اخلص علي سته المغرب
نادية:تمام المهم متتأخرش يلا سلام عشان ورايا الحصه الاولى بعد أن مش كلا من كرم وناديه قامت أسيل بمراجعة ثلاث مواد فهي تقسم المواد علي يومين ونظرا لأنها انهت منهج جميع المواد قبل الامتحانات بثلاث شهور تراجع وتدرس كثيرآ لأنها تري أن وقت المراجعة قبل الامتحانات اهم وقت بعد أن انهت دراستها مما يقارب خمس ساعات متواصلين وفي المنتصف خمس دقائق راحه كي لا تتعب عقلها نهضت من على المكتب كي تعد الغداء أخرجت المعكرونة والحليب واللحم المفروم والبيض والبهارات والزبدة فهي ستعد الطبق المشهور (مكرونة بشاميل ) قامت أسيل بأنهاء كل شيء ووضعت الصانيه في الفرن حتي تجهز بعد عناء طويل من اعداد تلك الوجبه قامت بوضع كل شيء علي الطاولة فهي تحفظ ميعاد دخول أمها عن ظهر قلب
نادية:انت يا اسيل
أسيل:ايوه يا ماما حضرتك كل حاجة جاهزة
نادية:تمام انجري علي اوضتك مش عايزة اشوف وشك بعد سماع تلك الكلمات التي اعتادت عليهآ أسيل ذهبت الي غرفتها كي تدرس وتحل الكثير من التدريبات لعلها تنسي كي تدرس وتحل الكثير من التدريبات لعلها تنسى كلام والدتها الجارح بعد أن انهت أسيل واجباتها نامت علي ظهرها شاردة الذهن عينيها معلقة علي السقف وهي تقول في ذهنها:يارب انا حاسه ان انا عبده مش بنتهم امتي الفارس اللي علي حصانة الأبيض يجي ياخدني زي الروايات وهو هيجي ازاي وانا محبوسة بين أربع حيطان ....يتبع