"ခဏလောက်တော့ ခွဲနေကြရအောင်..."
- ဂျိုဂျို၏အိမ်ထောင်ရေးဒိုင်ယာရီ
ချောင်ဟွေ့ အဆောင်ကပြန်သွားသည်အထိ ကျန့်ကျားကျားတစ်ယောက် သူ(မ)ဘာစကားမှားသွားမှန်း စဉ်းစား၍မရပါ။
သူ(မ) ဘာမှမှားမပြောခဲ့ပါ။
ရှုရီယန်တို့လိုက်ဖက်ကြောင်းပြောပြီးတော့ ချောင်ဟွေ့က ဘာလို့ စိတ်ကောက်သွားရတာပါလိမ့်။
နေ့လယ်စာအတွက်မှာထားသော caryfish ရောက်လာမှ ကျန့်ကျားကျားက သူ(မ)နဖူးသူ(မ)ရိုက်၍
"ချောင်ချောင်ဘာတွေဖြစ်နေတာလဲ။ နေ့လယ်စာတောင်မစားဘဲ အိမ်ပြန်သွားတယ်။ ဗိုက်မဆာဘူးလားမသိဘူး။"
ကျန့်ကျားကျားက ဖုန်းထုတ်၍ ချက်ချင်း message ပို့လိုက်၏။
[ အလှလေးချောင်ချောင် နင်နေ့လယ်စာတောင်မစားသွားဘူးနော်။ caryfish တွေကို ဘယ်လိုလုပ်မလဲ ]
နာရီဝက်လောက်အကြာမှ ချောင်ဟွေ့ဆီက message ပြန်ဝင်လာ၏။
[ ရတယ်။ နင်ပဲစားလိုက်တော့၊ နင်မကုန်ရင်လည်း ဘေးခန်းကကျောင်းသူတွေနဲ့ တူတူသွားစားပေါ့ ]
ချောင်ဟွေ့က caryfish အတွက် ပိုက်ဆံလွှဲပေးရန်တော့မမေ့ပါ။ သူတို့နှစ်ယောက်က အမေရိကန်စစ်စတန်ကို ကျင့်သုံးကြသည်။မိန်းကလေးသူငယ်ချင်းတိုင်းတွင် အချင်းချင်း သဘောတူထားသောစနစ်များရှိကြသည်။ သူတို့နှစ်ယောက်ကတော့ ကိုယ်မှာကိုယ်ရှင်းစနစ်ဖြစ်သည်။ အဲ့ဒီအတွက် သူတို့၏ဆက်ဆံရေးကိုလည်း လုံးဝမထိခိုက်ပါ။
ကျန့်ကျားကျားက ချက်ချင်း စာပြန်လိုက်၏။
[ အဲ့ဒါဆိုရင်တော့ crayfish တွေအကုန် ငါပဲစားပြီ ]
Crayfish ကဈေးကြီး၏။ သူ(မ)က နှစ်ယောက်စာမှာထားတာဖြစ်သော်လည်း ပမာဏကမများပါ။ ထို့ကြောင့် သူ(မ)ဘာသာပဲ စားလိုက်တော့သည်။
ကျန်သည့်အရန်ဟင်းများကိုတော့ ညနေမှ ပြန်နွှေးပြီးစားဖို့ ဖယ်ထားလိုက်၏။
ကျန့်ကျားကျားက ခဏတွေးပြီး ချောင်ဟွေ့ဆီ wechat message ပို့လိုက်၏။
VOUS LISEZ
ရုပ်ရှင်ဧကရာဇ်ရဲ့လက်ထပ်ထိမ်းမြားခြင်းဒိုင်ယာရီ (Completed)
Roman d'amourချောင်ဟွေ့ဘဝတွင်လုပ်ခဲ့ဖူးသည့် အရူးမိုက်ဆုံးလုပ်ရပ်ကား အသက် ၂၁ နှစ်အရွယ်တွင် တရားမျှတပြီးဖြောင့်မတ်သည့် ရုပ်ရှင်ဧကရာဇ်ရှုရိယန်နှင့်လက်ထပ်ခဲ့ခြင်းပင်။ လက်ထပ်ပြီးနောက်ဘဝသည် ရိုးရှင်း၍ ပျင်းစဖွယ်ကောင်းလွန်းသည်။ မစ္စတာရှုသည် သူ(မ)ကို နေ့တိုင်း မနက်တစ်ခ...
