#مقدمة تعريفية 🌸
اللهم صلّ وسلم وبارك على سيدنا محمد 🌸
بقلم...أم أمن
.
.
.
فى حوش عيت عبدالله الناجى
كانت واقفه هى فى المطبخ وتغسل فى المواعين ...خشت عليها عمتها قالبه وجها ...شنو مازال ماكملتي يا هناء تغسلي في مواعين والا !!
هناء تنهدت بضيق وتلفتت عليها ...شوي يا عمتي
لوت فمها ...مش عارفه ايش زره ولدى بس !!
تلفتت ورجعت للمواعين ...الصبر يا ربى !!
باكرة كانت تدور فى المشاكل !!...ايش ايش ايش قلتي !!
هناء تلفتت عليها ...والله يا عمتى ما نبى مشاكل خليني فى حالى ساد مشاكلى مع ولدك
على خشت حسيّن ...وطاحت كلمتها فى وذنه ..بصوت جهوري قال "هناااااء...امى يا هناااءً"
تلفتت عليه وبدت بدور المسكنة ...شفت يا حسونه يا باتي والله ما كلمتها
فنص فى هناء ...ارقى فوق لاحقك
زفرت بضيق وغسلت يديها وبغضب قالت ...ان شاء الله تريحتي
وطلع من حوش عيت عمها ماشيه للدروج الجانبيات الي ترفع لشقتهم
قعدت باكرة تبكى...ريت قتلك من الاول متاخذهاش صاحبك ضحك عليك
وعشان نفهمو قصة هناء لازم نردو لورا
وقت كانت هناء بحوش بوها معززة مكرمة "العكس تماماً "
بوها حي وامها حيه لكن مشكلتهم يميزو فى الذكور على هناء وخواتها ...على حساب حياتهن ومستقبلهن وانا توه نقولكم كيف
وزواج هناء من حسين كان بسبب خوها ...بما انه مديون بوقتها ...وطالبهم واجد ...هو وبوه ...لكن عبد الكريم وعياله قالو معندناش فلوس ف بنوع من الترهيب الحاج "محمود " اب حسين قالهم معندكمش فلوس عطونا وليه ...وطبعاً اب هناء وحوتها لقوها فرصة وعطو هناء
وبحكم هناء الكبيرة خواتها الصغار مش متزوجات ...وصغيرات أصلاً هناء م 92 الصف الثالث ثانوي ...ورندة 94 اولى ثانوى بعدهن تجى فريدة ثانية اعدادى 96
الشباب 89 سعد عايش مع هله ومرته نجاح وح نعرفوها اكثر وهو سبب القصة
90 طارق انسان مثقف وهادئ ...وعلى عكس سعد ميحبش يحشر نفسه بشيء
ونردو لموضوعنا ...شن هي الجاموفوبيا "رُّهاب الزواج "
وليش الواحد عنده هكى حاله !!
وعند أي حد من بطالنا الحاله هذى حسين أو هناء
هذا كله ح تعرفوه بالرواية الجديده بعد العيد ان شاء الله 🌸
Om-amen
حساب الكاتبة: Om-amen
