Part.16
16 01
အခန်း (၁၆)
ပြီးပြည့်စုံသောအကြံအစည်
"တကယ်တော့ မုန်ယွီနဲ့ကျွန်မ သိပ်မခင်ဘူး"
လင်းပေ့ဟာ မနက်ကလို အားနည်းကြောက်ရွံနေတဲ့ပုံစံနဲ့ မဟုတ်တော့ဘဲ မျက်လုံးတွေကြည်လင်ပြီး မျက်ခုံးနဲ့နဖူးမှာပါ မန်နေဂျာတစ်ယောက်ရဲ့ လုပ်နိုင်စွမ်းတွေကိုမြင်နိုင်နေတယ်။
"ကျွန်မ ရှင်တို့နဲ့တွေ့ချင်ခဲ့တဲ့ အကြောင်းအရင်းက..ပထမတစ်ချက်—ကျွန်မအခြေအနေရယ်..သဘာဝလွန်ဖြစ်ရပ်တွေနဲ့ ပတ်သက်လာရင် ရှီအန်းက သတင်းမွှေးတာရယ်ကြောင့်...ဒုတိယတစ်ချက်ကျတော့—ဒီရက်ပိုင်းထဲ ကျွန်မနောက်ကို လူတစ်ယောက်လိုက်နေတာ သတိထားမိပေမယ့် ရဲတွေကိုဆက်သွယ်လိုက်တာနဲ့ ချက်ချင်း အဲ့ဒီလူပေါ်မလာတော့လို့"
"ကျွန်မ တကယ် ကြံရာမရတာနဲ့ သူ့ကိုမျှားဖို့ ရှင်တို့နှစ်ယောက်ကို အသုံးချခဲ့မိတယ်...သူ အခုလို ဓားနဲ့တကယ်ထိုးလိမ့်မယ်လို့ လုံးဝထင်မထားဘူး... အနူးအညွတ် တောင်းပန်ပါတယ်ရှင်"
သူမက ပြောရင်းဆိုရင်း ဦးညွှတ်ပြီး စံချိန်စံနှုန်းမှီ တောင်းပန်တိုလျှိူးနေတဲ့ ကိုယ်ဟန်ယူလိုက်တယ်။
"ရှင်တို့နှစ်ယောက်ကို အလျော်ပေးတဲ့အနေနဲ့—ဒါ ကိုနှင်းဆီရဲ့အချက်အလက်အကုန်ပဲ..သူများကို စာရင်းလုပ်ခိုင်းထားတာ..နောက်ပြီး ကျွန်မတတ်စွမ်းသမျှ ပူးပေါင်းပါဝင်ပြီးတော့ ရှင်တို့ကိုကူညီပေးဖို့ စဥ်းစားထားတယ်"
နောက်ဆုံးတော့လည်း သူမဆိုတာ ဟာကွက်မရှိအောင် ထောင့်စေ့တဲ့ စီးပွားရေးသမားတစ်ယောက်ပါပဲ။
သူမပြောတဲ့တောင်းပန်စကားတွေကို အဓိကလက်ခံရမယ့်သူ–ကျူံးချန်းရှော်ကတော့ အချက်အလက်တွေကိုသာ ပိုစိတ်ဝင်စားနေလေရဲ့။
"ရပါတယ်"
နောက်တော့ သူ လင်းပေ့ဖုန်းကို စူးစူးစိုက်စိုက်ကြည့်နေတယ်...မသိရင် အကြည့်နဲ့ အချက်အလက်တွေတူးထုတ်ဖို့ ရည်ရွယ်ထားတဲ့အလား။
လင်းပေ့ ခဏတော့ စောင့်နေပါသေးတယ်...ကျူံးချန်းရှော်များ တစ်ခုခုပြောဦးမလားလို့။ သို့ပေမယ့် တစ်ဖက်လူက ဘာမှဆက်ပြောဖို့ အစီအစဥ်မရှိတာမြင်တော့ သူမ အားမလိုအားမရပြုံးမိသွားပြီး မတ်မတ်ထိုင်လိုက်တယ်။
YOU ARE READING
လူသားလိုမိစ္ဆာမျိုး...
Horrorဘာသာပြန်သူ- စွဲညို့အသင်း ခေတ်ကာလ အပြောင်းအလဲ နှစ်ပေါင်းများစွာ ကြာပြီးတဲ့နောက် ရုတ်တရက် စည်းပွင့်သွားလို့ နိုးထလာရတဲ့ သရဲဘုရင်ကြီးတစ်ယောက် လူသားလောကမှာ သာသာယာယာ ငြိမ့်ငြိမ့်ညောင်းညောင်းလေး နေချင်လို့ ပလီပလာနဲ့ အလကားစားသောက် နေထိုင်ခွင့်ရဖို့ ကြိုးစာ...
