လူသားလိုမိစ္ဆာမျိုး...

Part 25.1

Chapter 25: အတူနေထိုင်ခြင်း

ယင်းရန်သည် ခေတ်သစ်အခန်းမှာမည်သို့ဖြစ်ကြောင်း လုံးဝမသိပေ။

ကျုံးချန်းရှော်မိဘများ၏အိမ်မှာ သာမန်ဖြစ်သည်။ အရွယ်အစားသေးငယ်ပြီး ပရိဘောဂပစ္စည်းအချို့ရှိကာရိုးရှင်းသည်။ ကျုံးချန်းရှော်မှာ လိုချင်တပ်မက်မှုအချို့နှင့်လူဖြစ်သောကြောင့် ယင်းရန်သည် သူ၏နေရာမှာပုံစံတူညီလိမ့်မည်ဟု ခန့်မှန်းလိုက်သည်။

အိမ်တံခါးပွင့်သွားသည်နှင့် ယင်းရန်မှာတံခါးဝ၌ အေးခဲစွာရပ်နေသည်။

"...ကျုံးချန်းရှော်က ရှန့်ရဲ့အဆောင်မှာ မနေချင်တာမဆန်းပါဘူး" ယင်းရန်ကတွေးလိုက်သည်။

ကျုံးချန်းရှော်သည် ဖင်းအန်းအိမ်တော်ဟုခေါ်သော နယ်ပယ်ထဲနေထိုင်သည်။ အဆောက်အဦးမှာ ဘေးပတ်လည်တွင်စိမ်းလန်းစိုပြေ‌သောသစ်ပင်များနှင့် များစွာသောနားခို‌ရာနေရာနှင့်ရေကန်တို့ဖြင့် အတော်သစ်လွင်သည်။ အဆောက်အဦးကိုယ်တိုင်က စတုရန်းမီတာ၁၃၀ရှိပြီး တံခါးသည်ကြမ်းပြင်မှမျက်နှာကျက်အထိ မြင့်သောပြတင်းပေါက်များကို မျက်နှာမူထားသည်။

ပြတင်းပေါက်များမှာ နံရံတစ်ခုလုံးကို ကာထားလုနီးပါးဖြစ်သည်။ ကျုံးချန်းရှော်နေထိုင်သောကြမ်းပြင်မှာ မမြင့်လွန်းမနိမ့်လွန်းသောကြောင့် ကြီးကြယ်ခမ်းနားသည့်မြင်ကွင်းရှိသည်။ အနီးအနားမှစိမ်းလန်းစိုပြည်‌သောဒေသမှာ အဝေးမှတောက်ပစွာလင်းထိန်နေသည့် အဆောက်အဦးများကိုဖြည့်စွက်ပေးသည်။

အိမ်မှာလုံးဝနွေးထွေးပြီး သစ်သားကြမ်းပြင်မှာ သန့်ရှင်းကာနွေးထွေးသည်။ အဆောက်အဦးတစ်ခုလုံး၏အပြင်အဆင်မှာ ချိုသာသောရနံ့နှင့်ပြည့်နေသည့် သက်တောင့်သက်သာဖြစ်နေသောပုံစံဖြစ်ကာ လေထဲတွင်လွင့်မျောနေသော လတ်ဆတ်သည့်ပန်းရနံ့များပင်ရှိသည်။

သစ်ကြားရောင်ပရိဘောဂအား စိမ်းလန်းစိုပြည်သောအစိမ်းရောင်အပင်မျိုးစုံနှင့် ယှဉ်တွဲထားကာ ထောင့်တွင်ရပ်နေသောသရဲမှာ နေရာလွတ်နယ်မြေတစ်ခုလုံးကို ဖြည့်စွက်ပေးသော နီညိုရောင်ထိ‌တွေ့ခြင်းကိုပေါင်းစပ်ပေးသည်။