"အဲ့ဒီအကြည့်က ဘာသဘောလဲ? ဟောဒီသခင်ကြီးကလည်း မင်းတို့လို ရောင်းကုန်တွေကို ကြည့်မရပါဘူး"
ဝမ့်ချန်းတစ်ယောက် လည်ပင်းကြီးတဆန့်ဆန့်နဲ့ မျက်နှာကြောပါ တင်းမာလာတယ်။
ဟိုဟိုဒီဒီလွင့်စင်နေတဲ့ တံတွေးတွေက ယင်းရန်ရဲ့သိုးသားကင်ပေါ်ကိုပါ တချို့တဝက် လာစင်လေရဲ့။
ယင်းရန်ရဲ့အပြုံးလေး အေးခဲသွားပြီး သူ အားနဲ့ ညှစ်လိုက်တာကြောင့် တူနှစ်ချောင်း ဖျောက်ကနဲကျိူးသွားတယ်။ သရဲဘုရင်ကိုယ်တော်ကြီး ဝမ်းနည်းနေတဲ့မျက်ဝန်းတွေနဲ့ သိုးသားကင်လေးကို နှုတ်ဆက်ခွဲခွာနေချိန်..ခေါင်းထဲမှာတော့ ဝမ့်ချန်းကိုအပြတ်ရှင်းဖို့ နည်းလမ်း၁၀၈သွယ်ကို ပုံဖော်နေပြီ။
ရှိစေတော့။ လူသတ်တာ ဥပဒေနဲ့မှမညီပဲ။ ဒါကြောင့် သွယ်ဝိုက်တဲ့နည်းလမ်းရှာရမယ်...
ကျူံးချန်းရှော်: "ပြန်တောင်းပန်"
ရုတ်တရက် ကျူံးချန်းရှော်ရဲ့စကားသံ ကြားလိုက်ရတော့ ယင်းရန် အံ့သြတကြီး လှည့်ကြည့်မိတယ်။
"ဘာလို့လဲ? မင်းမယားငယ်မို့လို့လား?"
ဝမ့်ချန်းက ကျူံးချန်းရှော်ကို ပြုံးဖြဲဖြဲနဲ့ပြန်မေးတယ်။
ကျူံးချန်းရှော်ကဖြင့် တည်ငြိမ်နေဆဲ။
"ဝမ့်ချန်း..မတ်လ၁၆ရက်၊ ၂၀xxမှာမွေးတယ်..Dနယ်က လာတယ်..၂၀x၄နဲ့၂၀x၆မှာ အမျိူးသမီးတွေကို လိင်ပိုင်းဆိုင်ရာစော်ကားလို့ ၂ကြိမ် ထောင်ထဲဝင်ရတယ်"
ဝမ့်ချန်းရဲ့မျက်နှာပေးဟာ ရုတ်ချည်းပြောင်းလဲသွားတယ်။ သူ ယင်းရန်ရဲ့ဆံနွယ်ရှည်ကို ကတုန်ကယင်နဲ့ လက်ညှိုးထိုးပြီး...
"မင်းတို့က ရဲတွေလား? မဖြစ်နိုင်တာ..ရဲတွေက သူ့လိုပုံစံနဲ့ နေလို့မရပါဘူး"
"အဲ့ဒါ ဆံပင်အတု"
အတည်ပေါက်ကြီး ပြောချလိုက်လေတဲ့ ကျူံးချန်းရှော်။
ယင်းရန်: "?"
အဲ့ဒီနောက် ကျူံးချန်းရှော်က မျက်မှန်ပင့်တင်လိုက်ပြီး...
YOU ARE READING
လူသားလိုမိစ္ဆာမျိုး...
Horrorဘာသာပြန်သူ- စွဲညို့အသင်း ခေတ်ကာလ အပြောင်းအလဲ နှစ်ပေါင်းများစွာ ကြာပြီးတဲ့နောက် ရုတ်တရက် စည်းပွင့်သွားလို့ နိုးထလာရတဲ့ သရဲဘုရင်ကြီးတစ်ယောက် လူသားလောကမှာ သာသာယာယာ ငြိမ့်ငြိမ့်ညောင်းညောင်းလေး နေချင်လို့ ပလီပလာနဲ့ အလကားစားသောက် နေထိုင်ခွင့်ရဖို့ ကြိုးစာ...
