လူသားလိုမိစ္ဆာမျိုး...

Part 29.1

Chapter 29: ထူးဆန်းသောရနံ့

"ဦးခေါင်းခွံကလွဲလို့ ဝူထောင်ရဲ့ ကြွက်သားတွေ၊ အရိုးတွေနဲ့ အတွင်းအင်္ဂါတွေကို ဘေးအရှည်၁မီလီမီတာရှိတဲ့ ကုဗတုံးလေးတွေဖြစ်အောင် အတိအကျခွဲထားတယ်"

လုရှောင်ဟယ်က ပုံသုံးပုံကိုလက်ညှိုးထိုးပြကာ သူတို့အားအစဉ်လိုက်စီလိုက်သည်။

"ဒါကအရိုးတွေ၊ကြွက်သားနဲ့ အဆီတွေရဲ့အပိုင်းတွေပဲ။ ကြွက်သားနဲ့အဆီတွေက ပျက်စီးမှုကြောင့်ပုံပျက်သွားပေမယ့် မှုခင်းအဖွဲ့အတွက် ဒီပုံစံကိုဖော်ထုတ်ဖို့ အားထုတ်မှုအများကြီးလိုတယ်။ အရိုးတွေကပိုထင်ရှားနေတယ်-ကြည့်စမ်း။ အစေ့အဆန်တွေကို ထင်ထင်ရှားရှားခွဲခြားထားတယ်"

ပုံထဲမှကုဗတုံးများမှာ နူးညံ့သောကန့်လန့်ဖြတ်အပိုင်းနှင့် လွန်စွာအခြေခံကျသော ပုံသဏ္ဍာန်တို့ရှိသည်။ သူတို့သည်လူသားအရိုးများထက် စက်မှုထုတ်ကုန်မျိုးနှင့် ပိုနီးစပ်နေသည်။

ယင်းရန်သည်၎င်းအား ခဏတာတွေးကြည့်ကာ ကောက်ကျစ်သောသတ္တဝါမှာ ဤကဲ့သို့ထူးဆန်းသောအလေ့အကျင့်တစ်ခု ရှိလိမ့်မည်ဟုမတွေးခဲ့ပေ။ သူသည်ကျုံးချန်းရှော်ကို ဆွဲထားကာပြောလိုက်သည်။ "အခုခေတ်နည်းပညာက ဒါကိုလုပ်နိုင်တာလား"

"လူ့ခန္ဓာကိုယ်ကို အေးခဲ‌အောင်လုပ်ပြီး တိကျတဲ့အခြေအနေတွေမှာ ကောင်းကောင်းဖြတ်တောက်မယ်ဆိုရင် သီအိုရီအရဒါကိုလုပ်နိုင်တယ်"

အခုခေတ်လူသားတွေက အရမ်းကြောက်စရာကောင်းတာပဲ။ ယင်းရန်က စိတ်ပျက်မှုကြောင့် စုတ်တစ်ချက်သပ်မိသည်။

လုရှောင်ဟယ်က ထောက်ခံကာပြောသည်။ "အမှန်ပဲ။ ဒါပေမယ့် ဝူထောင်ရဲ့ခန္ဓာကိုယ်မှာ အခဲခံထားရတဲ့ ဘာသဲလွန်စမှမရှိဘဲ မှုခင်းဖြစ်တဲ့နေရာမှာ ဒီလိုအခြေအနေမျိုးမရှိဘူး"

"ဒီလိုရာဇ၀တ်မှုမျိုးကို ကျူးလွန်ဖို့အတွက် ဒါက လုပ်ကြံဖန်တီးမှုတစ်ခုကနေ လုပ်နိုင်တဲ့အရာမဟုတ်ဘူး... လုရှောင်... အစ်မလု၊ ဝူထောင်ရဲ့ လူမှုဆက်ဆံရေးတွေကို ကြည့်လို့ရနိုင်မလား"