خضوعي

P13

#13

                             " عيســٰـى  .. "
🖤  #خُضُوعِــــــــــــــــــــــي  🖤

بقلم : Ikram ElYaakoubi

" قالو ناس زمان  .. "

كتضرب بيدها فلماء بغات تنوض ولكن كان وراها زرب عليها و حاصرها بدراعو محاوطها من دراعها ومقربهاليه فحال إلى معنقها من اللور كتحاول دفعو و حتى لماء كان فصفو وممساعدهاش و نيفو وسط شعرها :" فين مزالة زايدة فيه ؟"

كتحرك بزربة بين يديه باش يطلقها وهو مستغل الفرصة و كيتلمس فيها  تلفتات جهته عوض متعطيه بظهرها ومرافقها فوق صدرو كتدفع فيه بكامل قوتها وهي كتلامس عضلات صدرو لقوية حتى حسات بيه طلقها بخاطرو بلاما يزيد يقاوم هجماتها و عينيه محلولين نزلات عينيها فين كيشوف كان فصدرها لمكشوف مع لماء لصق عليها لكسوة و بينات هضبات صدرها و شكل حملاتو جمعات يدها على صدرها وخلاتو يطلق واحد تنهيدة طويله خرجها من ساقيه و جلسات فوق حجرة عاطاه بظهر عند بالها ساترة صدرها و نشأت انحناءات خصرها لي بارزة هز لمكحله و طلق رصاصة فالسماء جات فطير طيحاتو فالماء بدماياتو وهي كتحصر على طير :" حيوان "

بلاما يسمعها و عبيدو فجنان سمعو صوت طلقة رصاص وجاو يتجاراو وقف وراها مدرقها من نظرات لعبيد أعطاهم امر باش يجيبو ليه ميلبس

كي جابوهم خدا سلهامو من لفوق ولبسولها وهي كتدفع فسلهام :" حيدو من فوقي "

حطو فوقها بالسيف :" مغتمشيش بلا بيه "

حيداتو قدام بعبيد :" مغنمشيش بيه وأنا حره "

شاف فيهم بنص عين غيلتهمهم حيت غيشوفوها فاضحة و حوايج لاصقين عليها نطق بخشونة :" حتى منكونش أنا هو عيســى لي نخليك ترجعي بهاد بحاله "

زينب :" وحتى منكونش أنا زينب باش تفرض عليا كلامك "

رد ببرود :" مبغيتيش تسكتي ؟"

جمع حنيكاتها وسط يدو مشكل من فمها قبلة و حط شنايفو على شنايفها وهي حاطة يدها فوق يدو كتضرب وتقمش فيه باش يبعد عليها وهو كيقبل فيها بكل قوة مزير على فمها مابعد منها حتى رضى راسو و شفى غليلو و طفا شوية من نار الشوق ليها دوز لسانو فوق شنوفتو وهو كيضحك :" هادي باش تولي تسمعي لهدرتي "

جر لخيل و قادلها فين تحط رجلها وهي حمراء تبدلو فيها الالوان جرها و حطات رجلها وطلعات  بلاما تشد فيه مد لعبيد باش يوصلها حتى لدارها وموراها واحد هاز صابونها فطريق دار لخماس دخلات ولقات فاطمه ومريم كيتسناوها باب دار وكيطلو على عبيد عيســى :" عبيد مولاي هادوك "

شداتها مريم من دراعها :" ومالكي فازكة ما ؟"

دخلات فيهم :" حيدو من قدامي "

كيتغامزو:" رآه عرفناك مع مولاي عيســى "

شافت فيهم مخرجة عينيها :" اش كتقولو ؟"

غمزاتها فاطمه :" شفناك معاه فجنان "

توردات بالحشمة :" اش شفتو ؟"

تغبنات مريم :" كان كيشالي فوق عودو جهة ساقية و جراو علينا لعبيد "

حطات يدها فوق صدرها باطمئنان :" لحمد لله "

جلسات فاطمة قدامها وهي كتنشف شعرها :" ودأبا غير عاوديلينا امتى غيجي "

كضحك مريم :" بغينا نصاوبو لحلوة رآه مولاي عيســى هذا "

دارت راسها مسمعاتهمش واخا كتعصبها هدرتهم :" نوضو شوفولكم شي شغل "

نقزات مريم :" مزال مهداك الله تعاوديلنا رآه كلشي فخبارو لهدرة حتى من با راه دواليه عيســى "

حطات لي فيدها :"كيفاش ؟"

فاطمه :" آه و ناويي يدوي فيك علاما قال با "

طلعات عينها :" فين سمعتو هادشي "

مريم :" مي وبا دارو هاد لهدرة دواز اتاي "

ناضت خارجة من لبيت :" عدو الله دارني فراسو "

نفخات :" عمري غنكون ليك اعيسى واخا طابق السماء مع الأرض "

مسخيتش #بالغزالات ديالي ولكن لكل حتيث ختام وليوم غنختموها هنا بغيت اراءكم وتوقعاتكم وريوني قداشكم منساجمين فالقصة وفين غادي خيالكم فيها كيف جاوكم الشخصيات الجديدة وشنو رايكم فاحداث اليوم كيفما برعتكم بالكم برعوني بالكيف ، لقاءنا غذا مع 22:00 ❤️💋