⚜الجزء:243⚜
" عيســٰـى .. "
🖤 #خُضُوعِــــــــــــــــــــــي 🖤
بقلم : Ikram ElYaakoubi
" قالو ناس زمان .. "
كلهم كيشوفو في ايليزابيت و اللقوة حكماتهم مقدرو ينطقو بحتى كلمة... قدام الحاكم
حول نظراتو لزاما نظرات صرامة و حكم تقدمات بشوية وشادة فيديها كتترعد من الخوف حيت نظراتو مكانوش عاديين ومكيبشروش بالخير
زعماات راما و لسانها ممساعفهاش،كتقفقف في الهضرة، "مولاي "
شافت بزك عين فايليزابيت "سينيورة زينب في القبو...القبو السفلي"
غير سمعها دفع فلي قدامو بلاما يشوف ولا يتردد ولا يخليها تكمل هضرتها طار بحال برق،غادي بحال شي ثور هايج،
مكيشوف لا لي غادي ولا لي جاي قدامو،همو غير يشوفها دابا عارف حالتها كيف كتكون فالبلايص المخنوقة و المظلمة كتخطر على بالو وهي فداك القبو كي غتكون كيزيد لعصبيته رجع مكيشوفش قدامو وكيدوز فلي قدامو و من بعد يتفاهم مع لي وصلها لتماك...
وقف على الحراس كيقباط رواحهم..
بلا ميآمرهم يحلو الباب، فتحوه بلا ميحسو
دخل و دخلات معاه كومة ديال ضو ضربات فيها،
كتبان ليه جالسة مضورة عليها يديها و حاطة راسها على ركابيها
،ذاتها كلها كترعد،شعرها الأسود مشعكك بسواد البلاصة لي هي فيها و سواد ليلة لي دوزات تما،
تموت و متنسا الرعب لي عاشت فقط صوت الصراصير و الفيران لي مسموعة و العذاب الروحي لي قطع ليها قلبها عرق بعرق
قرب منها بسرعة عنقها و هز ليها راسها
كانت مغمضاهم سخفانة غي حركها طاحت جهتو و اثار الدموع محفزين فخدها
،تا كتحس بيه كيزعزعها باش توگض و تستوعب هزها بين يديه خرجها موقف حتى وصل لراحة القصر
شنو ضاير بيها..
حلات عينيها على صوتو لي اختارق مسامعها بحال حيا فيها الروح،تلاحت عليه معنقاه،و دموعها شلال،زادت في البكا و الشهيق، كل شوية كيتزاد صوت بكاها مزيرة عليه و تنخصص،كاع داك الخوف و الهلع لي عاشت كتخرجهم بكا فوق كتاافو
دموعها كيتسابقو وحدة تابعة وحدة،مزيرة على عينيها من الخوف،اااه زينب الزعيمة لي مكتخاف من حد،غتموت دابا بالخوف،شداتها الرهبة،
كيحاول يبعدها غير يشوفها و هي وااالو زيرات عليه و النفس تقطعات فيها بالتنخصيص و كتهضر بالسيف باش كيتنطق ليها حرف ولا زوج...
زينب "خ ل يتي ني اهه اهه اهه و مش ي تي
"مفهم ليها والو "ششش زينب
عنقها كتر"صافي أنا معاك"
لاح عليها سلهامو و هزها غادي بيها للجناح ديالوو،
شامة تابعاهم حالتها حالة،همها كبييير و البلان لي وقع لختها كمل على مابيها...
حاول يضبط أعصابو و ميزيدش عليها،حالتها مرضاتو بالمعقول صافي كيحس بدماغو منفوخ و العافية شاعلة فيه و غيحرق گاع لي كانو سباب و وصلوها لهادشي..
معمرو شافها في هاد التبهديلة،خايفة و كترجاه بعينيها يحميها
أنت تقرأ
خضوعي
Fiksi Sejarahكان يا مكان فقديم الزمان حتى كان الحبق و السوسان و الله فكل مكان الملك مالك الرحمان ونزيدو نصليو على نبينا العدنان عليه افضل الصلاة و السلام ، كان لخير فكل مكان كانت الريشة تقهر لميزان وكان لعمى يتخطى لحيطان وكان الشيخ يقطع لويدان ولعرصة كانت تغذي...
