#198
" عيســٰـى .. "
🖤 #خُضُوعِــــــــــــــــــــــي 🖤
بقلم : Ikram ElYaakoubi
" قالو ناس زمان .. "
قبل ماتبان الشمس فسما عالية باقي رواح بارد و دنيا خالية، تحرك وهو كيحس بجسم رطيطب كيلامسو فتح عينيه على يديها فوق خدو و رامية رجيلاتها فوق فخاضو وشعرها معنكش كيدقو فعنقو كيحس بظهرو كيحرقو من لبارح حيت مازال ماخوى شهوتو حط يدو فوق يديها لي على خدو "تيادورو وغتولي ليا "
ناض من بلاصتو و مشا لبيت لما قضا غراضو وتوضا حط السجادة على القبلة و بدا صلاتو فاش سجد ولامسات جبهتو الارض تنفس الصعداء و رجع زفر بقوة كانه كيحيد كل طاقة السلبية لي مشحون بيها فديك السجدة وهو كيردد "تحصنت بذي العزة واعتصمت برب الملكوت وتوكلت على الحي الذي لا يموت "
و رجع كيلبس حوايجو على جسمو الفولاذي ملابس سوداء جلدية متميزين بيها قطاع الطرق كانت عادية لكن فالحقيقة ملابس ممكن اتخبعو فيها بزاف د الادوات...تحرك لمجر ديالو جبد سكاكين صغيرة حطها تحت دراعو و ف رجليه و هز الخنجر حطو ف خصرو، خدا السلهام حطو على راسو و خرج من باب اخر من غير الباب الرئيسي و توجه من ممرات مخفية كان كيكتاشفهم طول مدتو فالقصر، بعد مدة لقا راسو برا لقصر كيتمشى بأريحية و داز من حدا الجنود بلا ماينتابهو ليه او يهضرو معاه حسبوه شخص عادي و شكون قالهم جلالة الملك بقدو و فخامتو ايخرج بملابس عادية ، تمشى بين شوارع بلادو و دخل لسوق لي كيتعتابر نواة التجارة و راس حربتها شاف الدنيا زاهرة من بعيد لكن خبايا كبيرة قدامو كتبان الى حقق فيها ، قرب لبياع لقمح و سولو "بشحال لقمح "
شاف فيه متلهف " عشرة قطع ذهبية "
عاود شاف ف لقمح " الناس كيشريوه من عندك ؟ "
خنزر فيه " كاين لي كيشري و كاين لي كيسول على الثمن و يمشي و نتا شكون منهم ؟"
حرك راسو بشوية " كنسول "
حركلو بيدو كاستهزاء " منين ماقادينش على الثمن علاش كضيعولي وقتي بسوالات "
كان عيسى غادي و رجع ضار كيشوف فيه لكن هاد لمرة عينيه تلاحو للميزان و لاحظ بلي لحجر تحتو كيتزادو و لبياع كيزيد ف لكيلو باش ابيع نسبة قليلة بثمن مرتافع، تخطاه بلا مايهضر او يجاوب و عرف بل و تيقن ان حال لبياعة كولهم كيف كيف خصو يدقق و يشوف ، زاد بشوية عند مول صوف لقا بضاعتو داخلها دود و كيسترها بالملحة، و داز لمول لحليب و لبن لقا ولادو صغار كيزيدو فيها لما باش اكثر و يوفى ، اثمنة مرتافعة و زايدينها بالغش ، تنهد كيشوف ولاد صغار معلمين سرقة و كيشفرو من ناس فزحام و شاف عبيد كياخدو نسا بالاجبار ، مانطق ماتكلم و بأي صفة ايهضر و هو واحد من هاد لعباد متخفي ، زاد بخطواتو حتى استقر عند راجل شيخ من وجهو باين لقهر لكن ابتسامتو مبشراه كيكيل بالعدل و ياخد لي يستاحق، شافو كيتناقش مع ولدو و ثارو الموضوع و قرب ليهم كيسرق اسمع " السوق طالع هاد نهار اولدي خصنا نهبطو الثمن "
أنت تقرأ
خضوعي
Historical Fictionكان يا مكان فقديم الزمان حتى كان الحبق و السوسان و الله فكل مكان الملك مالك الرحمان ونزيدو نصليو على نبينا العدنان عليه افضل الصلاة و السلام ، كان لخير فكل مكان كانت الريشة تقهر لميزان وكان لعمى يتخطى لحيطان وكان الشيخ يقطع لويدان ولعرصة كانت تغذي...
