⚜تتمة الجزء⚜
كتحاول تختار كلمات مناسبة لي تشفع ليها و تحل الخلاف لي ماشي في صالحها نهائيا..
ايليزابيت "سمحلي اولدي انا عارفة راسي غالطة و ها أنا كنعتارف بالخطيئة ديالي،وخا داكشي لي درت كان موراه سبب قوي،
سينيورة زينب دارت عليك اشاعة لي كتمس بيك كرجل و كملك و انك كتنعس مع الرجال،اشنو كنتي باغيني ندير في هاد الحالة
عيسى مغدد مزيااااان على زينب عاد قدر يفسر نظرات الجواري و الحراس و همساتهم الغير مفهومة
حاول يكضم غيضو و هضر بهدوء
"تا سبب مكيعطيك الحق تديري شنو درتي،انا الوحيد لي عندي سلطة عليها،و قد مافهمتي هادشي مزيان غيكون أحسن"
في نفس اللحظة دخلات نعمة كتلهث محاولة تلتاقط انفاسها
نعمة "مولاي سينيورة زينب حالتها مكتبشرش بالخير،حرارتها طالعة بزاف و كتهلوس"
وقف بسرعة و غادي خارج،شداتلو ايليزابيت من يدو
ايليزابيت "عندي عشوب غيفيدوها بزاف "
طول فيها الشوفة بجفاء
ايليزابيت "راني اعتارفت بغلطتي و اعتاذرت تيق بيا غينفعوها بزاف"
اشار ليها بالقبول و زاد من حداها كيجري..⚜الجزء:247⚜
" عيســٰـى .. "
🖤 #خُضُوعِــــــــــــــــــــــي 🖤
بقلم : Ikram ElYaakoubi
" قالو ناس زمان .. "
متكي على جنبو، عينيه عليها غادة جاية حداه،كتخبز و توجد الغذا،ميكذبش مبرع معاهاا ،ممخلياش من جهدها معاه بالشهيوات وحدة تنسيك في الأخرى و قايمة بيه من كلشي
حتى من حوايجو ولات هي تتكلف بيهم ومتخليهش يأخذهم للقصر
كاع لي حل عليها فمو،يلقاها سبقاتو و قضاتها ليه.. كدير معاه الحيلة و الحيلة كيف قالو ناس زمان حسن من العار
دزو معاها ليالي متنساش، فينما يتفكر كيفاش كتدلعو و تلعب ليه على نقاط ضعفو،كيفاش مكبرة بيه تهزو بسيدي عابد و تحطو براجلي سيد الرجال،
كيفاش كتولي بحال بنية صغيرة تحت يديه و مراه فاتنة بكل ما تحمله الكلمة من معنى من معالم أنوثة وتفاصيل مكتجزءش منها
وحتى هو مغرقها في الحب و الحنان نااااسين العالم، نزاعها ومدللها ولي حلات عليها فمها كتوصلها قبل متكملها غرقها ذهب و حرير غرقها فضة وغرقها فلوس و راحة و كملها بلمساتو و لهفته المحرمة
حطيتي غالية و هزيتي غالية وحدة أخرى.و تاهو نسااا راسو معاها..
حلفات تاتكون ليه و يكون ليها في دارو بالشرع و القانون،
ضربات بجهدها تاتقاضالها جهد و مقضات والو غير مزادت غرقات فيه،و غرقها في الهم و الغم رجعات لدارهم قالت يهزوني زادو على مابيها و قطعو فيها النفس بقا كيبان ليها غير هو الملجأ ديالها قالت اللهم التلحليح و التحلوين، ولا العصا و الكبت و الجوع فاش نعيشها باها حتى كرشها مشابعاش فيها و يزيدها بالغوات والهضرة و ختامها عصا
أنت تقرأ
خضوعي
Historical Fictionكان يا مكان فقديم الزمان حتى كان الحبق و السوسان و الله فكل مكان الملك مالك الرحمان ونزيدو نصليو على نبينا العدنان عليه افضل الصلاة و السلام ، كان لخير فكل مكان كانت الريشة تقهر لميزان وكان لعمى يتخطى لحيطان وكان الشيخ يقطع لويدان ولعرصة كانت تغذي...
