#211
" عيســٰـى .. "
🖤 #خُضُوعِــــــــــــــــــــــي 🖤
بقلم : Ikram ElYaakoubi
" قالو ناس زمان .. "
عينيه جفلو و عروق عنقو بداو يبانو نطق بشوية " خدمتك هي متحيديش عينك عليها "
شامة بخوف منو وفنفس لوقت قلق على ختها " مولاي "
حانية راسها و الهضرة هربات ليها " مولاي "
بدات تبكي " سامحني "
مجاوبهاش داز من حداها غير فاتها وهي تحس بسائل سخون نزل من بين رجليها كان لبول بالت فحوايجها من شدة خوفها وفزعها من نظراتو الشنيعة لي كان كيدير فيها و راما كانت قدامها جامعة يديها على فمها وهي كتشوف فشامة بالت فسروالها وكتبكي حيت عارفة شنو تابع كلامو و عارفة بلي نظراتو مكانتش مجرد تهديد دايز ، خرج من جناحو و بخطوات كبيرة و مسرعة بلاما يلبس حتى سلهامو رمى البرتكول الملكي و خرج كان كيسرع فالمشي حتى رجع كيجري " غتقلبو شبر بشبر جناح بجنااااح "
بصوت عالي ونبرة حادة عصبية " غتخرجوها من تحت الارض "
عينيه مقدروش يستقرو فبلاصة وحدة وحتى حاجة مبقات كتبان قدامو " زينب "
غمض عينيه كيحرقوه بزاف وعروقهم رقيقة رجعات حمراء " مخاص يوقع ليك والو "
بان رافاييل قدامو " مولاي سيفطت العبيد لجنب القصر تاواحد مواقف وكولشي كيقلب "
تنفس عيسى وشد فكتف رافاييل فلول بشوية " غتلقاها"
وشوية زير عليه حتى حس بعظام كتفو غيتهرسو " خاصك تلقاهااا "
رافاييل حرك راسو " هاد الليلة.."
قاطعو عيسى بنبرة جدية وصارمة " هاد الساعة ا رافايييل هااد الساعة "
رافاييل وطأ راسو " امرك ا مولاي "
دوز يدو فوق راسو كيفوور وكيغلي القصر مقلوب وكلشي كيقلب كاع لعبيد و الجواري والحراس وحتى الجنود لي اعدادهم كتكون محسوبة داخل القصر حيت الجيش كيكون فقلعة بقرب الجيش سيفط لهم عيسى رافاييل وفكرة ان الجنود يقدرو يشوفوها جنب القصر ويصحبوها جاوية ولا عبد و يتعداو عليها غير كتجي هاد الصورة بين عينيه قلبو كيتهز ويتحط و الصبر كيزيد ينفذ وجميع السيناريوهات كيدوزو بين عينيه هز يديه بقوة وضربها مع لحديد ديال الضربوز ديال الدرج حتى ترسم شكل خاتمو الملكي فيه وخلا اثر جات ايليزابيت " ولدي "
مجاوبهاش وهي طالعة فدروج تجري عندو " جلالة الملك "
كتشوف فالعبيد كيتجاراو " اش واقع ؟"
ابتسم بسخرية كيردد كلماتها " اش واقع !"
عض على شفايفو بعصبية وبنبرة سخونة " كتسولي اش واااقع ؟؟"
أنت تقرأ
خضوعي
Historical Fictionكان يا مكان فقديم الزمان حتى كان الحبق و السوسان و الله فكل مكان الملك مالك الرحمان ونزيدو نصليو على نبينا العدنان عليه افضل الصلاة و السلام ، كان لخير فكل مكان كانت الريشة تقهر لميزان وكان لعمى يتخطى لحيطان وكان الشيخ يقطع لويدان ولعرصة كانت تغذي...
