"ကဲ။ အောင်မြင်ခြင်း အထိမ်းအမှတ်အဖြစ် ချီးယားစ်!!"
ထို့နောက် ဘီယာခွက်တွေ ထိခတ်သွားခြင်းနှင့်အတူ အားလုံးက တပြိုင်တည်းလိုပင် မော့ချလိုက်ကြသည်။ ထိုအခြင်းအရာတွင် မပါဝင်သူမှာ အဲရစ်လင်း တစ်ဦးတည်းသာ။ အဲရစ်လင်းဟာ အသားကင်နှင့် အင်မတန် လိုက်ဖက်သော ဝိုင်အဖြူကိုသာ စိမ်ပြေနပြေသောက်ပြီး ထိုင်ခုံလေးကိုမှီလို့ ကျော့ကျော့ကလေး ထိုင်နေလေသည်။ အဖြူနှင့် အပြာစင်းရှပ်အင်္ကျီအပွနှင့် ဘောင်းဘီဖြူကိုဝတ်ဆင်ထားလေ ခြေချိတ်ထားတဲ့ အဲရစ်လင်းရဲ့ ခြေသလုံးများက ကျော့ကျော့ရှင်းရှင်း။ ရာသီဥတုက အတော်သာယာတဲ့အထဲ အနီးအနားရေကူးကန်က ရေတွေဟာလည်း ပြာလဲ့လို့နေပါသည်။ လေထုထဲတွင် အသားကင်အနံ့တွေဟာလည်း မွှေးပျံ့လို့နေသည်။ တန်ပြန်တိုက်စစ်အောင်နိုင်ခြင်းအဖြစ် အဲရစ်လင်းပိုင်တဲ့ Villa ထဲတွင် ရုံးကကလေးများကို အရက်ဝိုင်းအသေးစားလေးဖွဲ့ပေးနေခြင်းသာဖြစ်ပါသည်။
"ဟဲ့။ မနေ့ကတင်လိုက်တဲ့ ဗီဒီယိုအောက်က ကွန်မန့်တွေဖတ်ပြီးသွားကြပြီလား။"
ရွှေဥဆိုတဲ့ အိုမီဂါမလေးကသူ့ဘေးက ငွေဥဆိုသော အိုမီဂါကောင်လေးကို လှမ်းပြီး သူ့ဖုန်းကိုထိုးပြသည်။ သူတို့နှစ်ယောက်လုံးက အဲရစ်လင်းရဲ့ ရုံးမှာအလုပ်လုပ်သော ကလေးတွေပင်။ ငွေဥသည် သောက်လက်စ ဘီယာကို လက်ကကိုင်ထားလျက်ဖုန်းကိုလှမ်းကြည့်သည်။
အသက်ကြီးပြီးအချိန်မစီးတဲ့စောက်အဘိုးကြီးတွေဟေး။ စောက်လုပ်ကျ သေချာမလုပ်ဘဲ လော်ကိုးနိုင်ကြသေးတယ်။ လီး..
အစတည်းက ငွေတောင်အမှုက သူတို့တွေဝိုင်းကာထားကြတယ်ဆိုတာ သိသားပဲ...အမှန်တရားကိုနတ်စောင့်တယ်။
ငွေတောင်အမှုက အစကနေ သေချာပြန်လိုက်ဖို့လိုအပ်နေပြီနော်..
စက္ကန့်နဲ့အမျှ တက်လာတဲ့ မှတ်ချက်တွေဟာ ထောင်ချီသောင်းချီ။ UABOပါတီရဲ့ အကျင့်ပျက်ခြစားမှုတွေ၊ လာဘ်ပေးလာဘ်ယူအမှုတွေဟာ အဲရစ်လင်းရဲ့ သတင်းကို အပြည့်အ၀ ဖုံးကွယ်သွားခဲ့ပြီဖြစ်လေသည်။ ငွေတောင်အမှုနဲ့လည်း ချိတ်ဆက်နေတယ်ဆိုတာပေါ်သွားခဲ့တာမို့ အခုချိန်မှာ ပြည်သူတွေရဲ့ ဒေါသတွေက သူတို့အပေါ်ကို အလုံးစုံကျရောက်သွားခဲ့ပြီဖြစ်သည်။ အခုချိန်မှာ အဲရစ်လင်းက ခဏလေး အေးအေးဆေးဆေးနဲ့ ကိုယ်ယောင်ဖျောက်လိုက်ပြီး နောက်မှ အလှူအတန်းဖြစ်ဖြစ် တစ်ခုခု လုပ်ပြလိုက်လျှင် ဘာမှမဖြစ်ခဲ့သလိုမျိုးပြီးဆုံးသွားခဲ့မှာဖြစ်သည်။
