WAYE MACUCI

Page 19

🏵🏵☀☀🏵🏵☀☀🏵🏵
          *☀WAYE MACUCI☀*         
🏵🏵☀☀🏵🏵☀☀🏵🏵
        '''Suhaib koh Suhail'''

                       ©
'''Marubuciyar Rayuwar Sumayyah'''

    *SA'EEDA MUSA DAUDA😍*

'''Follow and ✅ote me on Wattpad''': *SaeedaMusaDauda*

*BESTORED TO MY LIL SIS* ''' SUMAYYAH MUSA DAUDA'''

     

       Hohohoooooo wannan irin ruwan prayers haka wallahi ban san haka kuke kaunar novel din nan ba duk group din da nayi post sai naga ambaliyan comments lol🤭🤭 gaskiya naji dadi kwarai da gaske ku nuna min ana tare irin sosai dinnan, I heart u guys😍😍😍 masu min comments idan na turo novel ina mugun yinku sosai wallahi hawan ku yasa idan na gani bana replying muku but fa kuna heart dina.

       My besty luv *Firdausi Muhammad Mainasara (Feeby)* marubuciyar *Bamu dace ba* u are so dear to me heart you more, Kawata *Nabeelat (Rukaiyya)* marubuciyar Rubutacce Ne ina yin ki over.

                        1⃣9⃣

Da sauri inna ta taso domin ganin kwakwaffff tana zuwa ta rafka salati da k'arfi tace" na shiga uku magana ta ta tabbata ciki Aysha  !!! wa ya miki ciki ??
     tsabar rud'ewa k'iris ya rage ya Abdallah ya rage ya sake Aysha ta fad'i, da mugun mamaki ya juyo yace" what ?? ciki fa kike ce inna kai gaskiya ban yarda ba a ina Aysha zata samo ciki, duk abunda ya fad'a Aysha na manne a jikin shi sai amai take ta yi shi koh yak'i saki'in, tsabar aman da take yi sai da ta galabaita dayawa,,
      Inna tace" yo zan maka k'arya ne Abdallah bayan ga alamomin ciki nan sun bayyana a jikin ta, kafin na fad'a sai da na tabbatar."
       ba tare da ya kuma furta komai ba har amman na ta ya tsagaita ya taimaka mata ta d'auraye jikin ta inna kam sai masifar ta take ta yi ta inda take shiga ba ta nan take fita  ba,,
       hayaniyar ta ne ya fito da abba dan tun rana yake cikin gida bai fita shago ba, tun da ya ji hayaniyar Inna ya san ba lafiya ba da sauri ya fice daga d'akin shi ya shige d'akin Aysha ya hango inna ta daddage ta sha d'ammara zata dake Aysha ya Abdallah na tare ta,,
     hankali a tashe malam ya hau tambayar inna, cike da mugunta inna ta fashe da kukan makirci tace" yanzu saboda Allah malam yarinyar nan ta rasa abunda zata saka mana sai ta jawo mana abun kunya ??,,
      da mamaki murya na tsarkewa abba yace" abun kunya fa kika ce wani irin abun kunya kike nufi ne Larai" ??
     cikin kissa da makirci inna ta fashe da sabon kuka tana matso hawayen  k'arya tare da kunco bakin zani ta tana share hawayen tace" wallahi Allah ya isa tsakanin mu da ke kin cuce mu,  kin mana zanen da bazai tab'a gogewa ba idon duniya, tana kawo nan ta kuma rushe da wani sabon kuka ka rantse da Allah da gaske take yi,,
     tsiraren hawaye ne suka fara zarya a fuskan Aysha dan jin maganganun da ke fitowa a bakin inna, tsoro ne da kuma tausayin kanta ne ya bala'in kamata, lokaci guda ta hau jefo ma kan ta tambayoyi tana cewa" ciki garen na shiga ukuu ni Aysha ta yaya aka yi nayi ciki bayan ban tab'a tarayya da wani namiji ba hasali ma ba gani nake yi ba balle nayi tunanin tarayya da d'a namiji anya ba sharri inna ke min ba, , toh idan ma ciki ne ina na samo cikin ??,  kuka ta sake mai cin rai dan tunawa da tayi da Macucin da ya cutar da ita ya raba ta da dukkan k'ima da martabar ta ta d'iya mace sannan yayi mata zanen da ba zai tab'a gogewa,,
      tana cikin kukan ne ta jiyo muryar mahaifin ta yace" haba Larai ki fito fili ki fad'a min abunda ke faruwa mana ba wai ki bar ni a duhu ba wallahi hankali na a tashe yake sosai",
     ba tare da inna ta daina kukan munafurcin ba ta sharce majina tace" ba dole hankalin ka ya tashi ba bayan Aysha ta janyo mana abun kunya toh idan baka sani ba ka bud'e kunnen ka da kyau ka ji Aysha dai ciki gare ta.  "
       Cikin kad'uwa abba yace" wani irin ciki bayan ke kan ki kin san Aysha bata d'aya daga cikin mata masu aikata alfasha toh ta yaya kike tunanin Aysha zata samo ciki ?? ashe k'iyayyar da kike nuna mata ya kai ki nema b'ata mata suna ki had'ata da mazina ta,,
     da sauri inna ta k'arb'e zance tace" gata nan dai a gabanka ka tambaye ta inda ta samo cikin tai maka bayani amma koh ka k'i koh ka so Aysha dai fuska biyu gare ta, a gida a matsayi nutsatsiya take a waje kuma babu marabanta da karuwai,,
     k'asa jurewa da kalaman inna ya Abdallah yayi hawaye ne suka fara tsiyayo mishi, ji yake kamar ya had'iye zuciya ya mutu dan jin irin tozarcin da inna Larai ke ma Aysha, j'irjin shi ne ya fara mishi nauyi ga kuma wani irin d'aci da zuciyan shi ke mishi, idon shi ne ya kad'a yayi ja a sakamakon ran shi da ya b'ala'in b'aci sosai, cike da k'unan rai yace" wai yaushe ne zaki daina nuna ma Aysha k'iyayya a gidan nan ne Inna ??  wallahi munanan kalaman nan basu dace su fito a bakin ki ba koh kad'an, ke ya kamata ki kare ta a duk lokacin da aka nufe ta da sharri amma ba ki zamanto mai aibata ta ba,,
     a fusace inna tace" toh ubana sani a gaba kai min fad'a koh kuma naji bugu idan dai baku yarda da abunda na fad'a ba kuje asubiti a mata gwaji wata k'ila zaku fi yarda a can d'in", ta k'are maganar tare da maida bak'in zanin ta ta d'aure.
     toh shikenan inna tunda kin ce hakan ni da kaina zan kai Aysha a mata gwajin domin na wanke ta daga zargin da kike mata, yana gama fad'a ya rik'o hannun Aysha da tun d'azu take ta aikin kuka yace" ki daina kuka k'anwata na tabbata hasashen inna ba zai zamanto gaskiya ba taso mu je kin ji,,
     Jiki ba laka Aysha ta fara k'ok'arin dafa bango ta mik'e ya Abdallah ya taro ta ya taimaka mata, nemo mata hijab yayi ta sanya kana ya rik'o hannun ta suka yi waje abba na bin su a baya cike d tashin hankali, inna kuwa suna fita ta saka shewa tace" aaahhhaaayyyeee ta kwana gidan sauk'i kinga yanzu hanya ta zo cikin sauk'i da zata raba min tsakanin Abdallah da wannan shed'aniyar mak'auniyar",,