When Fighters Fall In Love

Chapter 4

Ayesha Rakki's POV

"What happened to the patient?" Tanong ng isang doctor sakin na hindi ko na rin naman pinansin dahil pinanood ko na yung bata na lapitan ng ilang doctor dito sa emergency room. Unconscious pa rin pero bumalik naman na yung pulse niya.

"Good Afternoon, Doc Zayden. Inatake po sa puso sa isang grocery store. The parents are waiting outside po." Sagot nung nurse pero ramdam ko ang tingin sakin nung doctor na yun kaya tumingin na rin ako sa kaniya.

I find his stare uncomfortable.

"How about his breathing?"

"Stable na po. Ginawa na po ni Doktora." Doon na tumaas ang kilay niya nang ituro ako ng nurse sa harapan namin. Napansin ko pa ang pagtingin niya sa kabuuan ko na ikinakunot ng noo ko.

Anong problema nito?

"Ask for consent from the guardian. Once signed, dalhin niyo na siya sa operating room. Susunod ako." Utos nito na tinanguan naman nung nurse.

Susunod na rin sana ako para icheck yung bata nang hawakan ng lalaking 'to ang braso ko.

"What?"

"Who are you?"

"Ayesha. Ayesha Rakki. I'm a medical doctor." Ipinakita ko sa kaniya ang id ko na seryoso lang naman niyang tiningnan bago muling tumingin sakin.

"Ikaw yung bago?"

"Exactly, Doc." Natural na sabi ko sa kaniya. Napapatingin pa sa amin ang ibang dumadaan. Kadalasan ay mga doctor din. Palibhasa nandito kami sa emergency room kaya maraming tao.

"The chairman is expecting you today. He is currently in the meeting room with the boards of directors." Gusto kong itanong kung bakit niya sinabi yun kasi hindi ko naman hinahanap si chairman. Plano kong magsimula na dito agad. I missed being a doctor. "Please take a moment to compose yourself and ensure you are properly presented." Sabi nito at tuluyang tinalikuran ako.

"What—did he say?" Hindi makapaniwala kong tanong. Bukod naman sa nagulo kong bun dahil sa pagmamadali kanina, wala ng ibang ma—ah nakakainis! May ketchup pa ang puti kong damit dahil sa kababuyan ni Tristan.

Nag-pizza kasi siya kanina. Tapos nung binuksan niya yung ketchup, tumalsik sakin yung iba. Wala naman sa plano ko na pumasok ng ganito ang itsura ko. Nakakahiya tuloy.

Napatingin agad ako sa nurse na natatawa habang naglalakad papalapit sakin. Narinig niya lahat. Nakakainis.

"Hi, Doc Rakki. I'm Nurse Zelle. Inutusan po ako ni Doc Zayden na dalhin kayo sa office niyo. Tara po." Nakangiti niyang sabi at naglakad na rin kaya sumunod ako. Baka maligaw ako sa lugar na 'to. Hindi pa naman ako ganon kapamilyar. Though I like the ambiance.

At dahil nga puro mga nakaputi ang tao dito, napapatingin sila sa damit ko. Halatang-halata kasi yung ketchup. Yung jacket naman kasi na pinahiram ni Tristan kanina, hindi ko na alam kung saan ko nilagay.

"Mag-ayos na po kayo Doktora. Nandyan na po ang lab coat niyo and your essentials. Maiwan ko na po kayo."

"Thanks."

"Wala po yun. Tawagin niyo nalang po ako kung may kailangan kayo." Sabi niya at umalis na.

Napatingin ako sa kabuuan ng office ko. White ang theme niya na may pastel na brown. Maganda ang view dahil malaking malaking kurtina ang nasa tabi ko. Nang silipin ko pa yun, nakita ko ang park sa labas. May mga patient na naglalaro at nag-eexercise. Hapon na kasi kaya hindi na masiyadong masakit sa balat ang araw.