When Fighters Fall In Love

Chapter 49

This is the updated version of Chapter 49. However, I'll update it once more if I encounter any problem or issues. Thank you for your understanding!

Updated: January 22, 2022

Ayesha Rakki's POV

Muli na naman akong pumasok sa hospital kinabukasan. Hindi ko nakausap kahapon si Zayden sa hindi ko malaman na dahilan. Pero pakiramdam ko ay binigyan niya muna ako ng oras para makapag-isip dahil sa mga oras na 'to, 'yun ang pinakakailangan ko. Natutuwa ako dahil mukhang kilalang-kilala niya na talaga ako. Alam na niya kung ano ang mga gusto ko sa tuwing may nararanasan ako.

At doon sa sulat na ibinigay sa akin kahapon ay may kasamang isang duguang box na may nakalagay na picture ko. Akala siguro ng taong 'yun ay masisindak niya ako. Tss. Parang nakasanayan ko na 'yung mga ganong threat. Sobrang dami ko kasing natatanggap na ganon noong nandun pa ako sa Paris. Sa business malamang. Hindi kasi nila tanggap na sa edad kong 'to ay ako na ang nagpapatakbo nung kompanya. Nasa board members lang naman 'yun. Sigurado ako. Hindi lang talaga ako gumagawa ng paraan para bumawi. Hahayaan ko muna silang gawin ang mga gusto nila.

"Cousin!" Sigaw nang kung sino kaya agad akong napalingon doon at bumungad sa akin si Knight habang nakangisi. Gusto kong matawa kasi ngiting-ngiti talaga siya nang salubungin niya ako. Siguro ay nakarating na sa kaniya ang balita na anak ako ni Dad. Kaya dapat ay Adisson na rin ako. Mukhang masaya siya sa nabalitaan na 'yun.

"Tss. Alam mo na?"

"Oo. Hindi ko akalain na pinsan pala kita. At ang mas nakakagulat pa doon ay tutal pinsan kita, papayagan mo na akong itayo 'yung business ko doon sa teritoryo niyo. Syempre papayag ka na kasi magkadugo naman tayo." Nakuha agad nun ang atensyon ko. Tuwang-tuwa pa siya habang sinasabi ang mga bagay na 'yun. Bakit ba kasi gustong-gusto niyang magtayo ng business doon? Delikado kaya doon. Marami akong kaaway. Possible na madamay siya kapag nagtayo siya ng business.

"Eh, kung gilitan kaya kita gamit 'yung kunai ko? Hindi pa rin pwede. Sa ibang lugar ka nalang." Nakangiwing sagot ko at maglalakad na sana nang muli siyang humarang sa dinaraanan ko.

"Dali na, Rakki. Maganda kasing tayuan ng business doon! Grabe ka naman. Nakakasakit ka na ng damdamin, ah."

"Hindi nga pwede, Knight. Kung maayos lang doon, baka pinayagan na kita eh ang kaso, hindi. Kaya hindi kita papayagan." Inis na saway ko sa kaniya. Ang kulit. Para siyang si Tristan.

"What are you doing to my girlfriend, Adisson?" Kunot-noong tanong ni Zayden na agad lumapit sa akin at hinalikan pa ang noo ko. Nailang ako bigla kasi nasa public kami tapos ginawa niya 'yun. Nasa hospital kami. Sa mismong main building pa kung saan may lumalabas at pumapasok na mga doctor, nurse at mga tao. Isa pa, kanila ang hospital na 'to. For sure, maraming nakakakilala kay Zayden. Nung nalaman pa nga lang ng mga babae sa ibang department na girlfriend ako ni Zayden, ang dami na nilang nasabi. Paano pa kaya ngayong hinalikan pa ako ng isang 'to dito? Tss.

"Dalawa kaming Adisson dito. Tss. Wag ka nga makialam, Zayden. Doctor ka! Business pinag-uusapan namin. Hindi mo na sakop 'yun." Sabi nito na bahagyang ikinailing ni Zayden.

"Her last name is not Adisson." Diretsong sabat niya na ikinalingon namin ni Knight. Nagtataka.

"Anong hindi? Pinsan ko daw si Rakki sabi ni Tito Archie."

"Tss. Next year ay magiging Farrell na rin siya. Right, babe?" Sabi niya na ikinakunot ng noo ko. Gulat namang napatingin sa kaniya si Knight pero agad ding ngumisi nang marealize kung ano 'yung sinasabi ni Zayden. Gusto kong matawa kay Knight pero hindi pa rin pwede 'yung business niya!