When Fighters Fall In Love

Chapter 50

Ayesha Rakki's POV

Kasalukuyan na akong naglalakad papunta sa office ko dahil kakatapos ko lang sa isang medical operation. Ito yung case namin ni Doc Noah na pinag-usapan. Ang tagal na naman.

Mabuti na nga lang at sumakto dahil may party kami ngayon. Yung pina-prepare ni Dad. Kanina pa rin ako mini-message ni Uncle Sean. Akala niya ata ay tatakasan ko siya.

Agad kong dinampot ang cellphone ko nang makitang tumatawag si Uncle doon. See? Hindi pa rin talaga siya napigilan at tumawag pa talaga.

"Yes, Uncle?"

"Where are you?"

"Kakatapos lang ng surgery. You go ahead."

"I doubt that."

"I'll go, Uncle. Chill." Natatawa kong sabi sa kaniya.

Nagtanong pa siya ng details sa Aurevia at Le Couronne. Alam ko naman na nakakausap niya si Faudia. Wala rin namang sini-sikreto sakin si Faudia kaya nalaman ko na may mga tinatanong si Uncle Sean sa kaniya last time.

Nagbihis na ako ng damit at kukunin na sana ang bag ko nang mapalingon ako sa lalagyanan ng vase dahil may nakita akong maliit na papel doon.

I'll wait for you. Here's the address. *********. Mag-ingat ka dahil nakabantay pa rin sila. - unknown

Nang mabasa ko ang sulat ay agad ko nang kinuha ang bag ko at patakbong pumunta sa sasakyan.

Bahala na ang party na yun. Mas mahalaga ang pupuntahan ko ngayon. Maiintindihan naman siguro nila ako.

Tiningnan ko muna ang paligid at mukhang tama nga ang taong 'to dahil may nakita akong mga lalaki na nagbabantay sa akin.

Ang galing talaga.

Nang paandarin ko ang sasakyan ko ay nakita ko ring sumakay sila sa sasakyan at agad akong sinundan. Pinaandar ko ng mabilis ang sasakyan ko at nang may makita akong truck ay agad akong sumingit doon kahit delikado.

Napangisi nalang ako nang hindi ko na sila nakitang sumusunod.

Pakiramdam ko marami na akong hindi nasunod na batas dito sa Pilipinas.

Kunot-noo akong nakatingin sa isang bahay. Anong meron dito? Bakit dito ako pinapunta ng taong 'to? Pero kailangan ko talagang malaman ang lahat kaya dahan-dahan na akong pumasok sa loob. May dala rin naman akong baril para if ever na may mangyaring hindi maganda dito, ready ako.

Naghintay lang ako ng ilang minuto at nang maubos ang pasensya ko ay naisipan ko nang pumasok sa sasakyan. Baka naman niloloko lang ako nito??

"Doc Rakki?" Tawag sa akin ng kung sino kaya napatigil ako sa pagpasok sa sasakyan ko. Taka akong napatingin kay Enzo na agad lumapit sa akin at yumakap. "Pinuntahan niyo po ba ako dito?" Excited niyang tanong sa akin.

Napunta ang atensiyon ko kay Mr. Batac na nakatingin lang sa akin ng diretso. Seryoso siya. Hindi kagaya kapag nasa hospital kami na nakangiti siya palagi sa akin. Ibang Mr. Batac ang nasa harapan ko ngayon.

"Enzo, tara na sa loob. Mag-uusap lang muna si Doc tsaka si Papa mo." Sabi ni Mrs. Batac na agad namang tinanguan ni Enzo.

"Kayo ba ang taong yun?" Hindi makapaniwalang tanong ko sa kaniya. Hindi ko alam kung ano ang mararamdaman ko sa mga oras na 'to.