When Fighters Fall In Love

Chapter 14

Ayesha Rakki's POV

"Doc, ready ka na ba?" Nakangiting salubong sakin nila Cade nang makarating ako sa hospital. Mga naka party hat pa sila.

Hinatid lang din ako ni Tristan dito after namin kumain ng lunch. Babalikan niya nalang daw ang sasakyan niya doon sa restaurant kaya sasakyan ko ang dinrive namin papunta dito bago siya nag-taxi pabalik sa restaurant.

Pinapahirapan niya masiyado ang sarili niya.

"Talagang may party hat tayo?" Natatawa kong tanong sa kanila.

The things we do for Enzo.

"Yes doc! Pati ang ibang doctor naka-party hat din." Inilagay ni Dale sa ulo ko ang party hat at naglakad na papunta sa kwarto ni Enzo.

Nakakapagtaka at napilit nila ang ibang doctor na isuot ang party hat. Pfft.

Napangiti agad ako nang makita na marami ring mga bata ang kumakanta at nakaparty hat habang nakatingin kay Enzo. Si Enzo naman ay nakangiti rin habang nakatingin sa mga batang kasama niya. Nakakatuwa. Kitang-kita mo ang kislap sa mga mata niya.

"Happy Birthday to you!"

"Happy Birthday to you!"

"Happy Birthday!"

"Happy Birthday!"

"Happy Birthday to you! Wooooh!" Sigawan nilang lahat kaya lumapit na ako kay Enzo at binigay ang cake sa kaniya.

"Hi! Happy birthday!" Nakangiti kong bati nang makalapit ako.

"Doc..."

"You have to make a wish." Sabi ko na agad niyang sinunod. Ipinikit niya ang mga mata niya at bahagyang ngumiti.

Nagulat pa ako nang bigla niya akong yakapin matapos hipan ang kandila kaya kinuha na ni Mrs. Batac ang cake na hawak ko. Mabuti nalang at hindi nahulog nang biglang yumakap si Enzo.

Napangiwi pa nga ako nang matamaan ang sugat sa braso ko pero hindi ko na yun pinahalata. Kasalanan ko naman kung bakit ako may ganito.

"Grabe! Parang si Doc Rakki lang ang gusto mo ha. Siya lang ang niyayakap mo ng ganiyan." Pagbibiro ni Doc Ray sa amin na ikinatawa ng lahat. Isa siya sa pedeatric doctor dito. Ang alam ko ay aalis na siya dahil may paparating na doctor galing sa ibang bansa para pumalit sa kaniya. Hindi ko lang alam kung kailan. Pero may memo na tungkol doon.

"Paano pa po ako, Doc? Halos araw-araw ko siyang chinicheck pero hindi ako nakakakuha ng ganiyang yakap mula kay Enzo." Reklamo naman ni Dale sa tabi.

"Baka natatakot sayo." Pang-aasar ni Zelle sa kaniya na sinamaan naman agad ng tingin ni Dale.

Hindi ko na sila pinansin at tumingin nalang kay Enzo na ngayon ay namumula pa ang mata at ilong habang nakatingin sakin.

"Happy ka ba?" Kahit umiiyak ay nakuha niya pang ngumiti sakin.

"Doc, ayoko na pong umalis dito." Sabi niya na bahagya ko pang ikinagulat. At dahil sa sinabing yun ni Enzo, nanahimik ang lahat at emosyonal na ring tumingin sa amin.

"Enzo."

"Pwede po bang sa inyo nalang ako, Doc? Pwede po bang... manatili nalang ako sa tabi niyo?" Pinunasan ko agad ang mga luha na sunod sunod na pumatak sa pisngi niya.