When Fighters Fall In Love

Chapter 46

This is the updated version of Chapter 46. However, I'll update it once more if I encounter any problem or issues. Thank you for your understanding!

Updated: January 20, 2022

Zelle's POV

"Ayan kasi si Zelle. Ang daming sinasabi. Pati tuloy ako napapaisip." Reklamo ni Shane na ikinangiwi ko agad. Kasalanan ko pa? Eh, nagsasabi lang naman ako ng kung ano ang sa tingin ko.

"Oo nga. Medyo naguluhan din ako sa sinabi niyan. Okay ka lang ba o hindi na si Zelle ang kasama namin dito?" Sabat naman ni Dale at pinindot pa ang pisngi ko kaya hinampas ko agad ang daliri niya.

"Wala ba kayong ginagawang dalawa? Si Cade at Nurse Cha ay kasama ni Doc Rakki sa kabilang hospital, nagtatrabaho ng mabuti. Anong ganap niyo dito?" Taas kilay na tanong ko. Sila lang kasi ang nakasandal dito sa lamesa at para pa akong iniimbestigahan. Parang mga tanga. Gutom na ako. Hindi pa man lang ako nakakakain ng dinner kahit 8pm na! Argh!

"Dzai, kakatapos lang ng trabaho ko. Hindi na ba pwede magpahinga?" Masungit na tanong ni Dale sa akin. Sasagot pa sana ako nang biglang sunod-sunod na dumating ang ambulance namin na ikinakunot ng noo ko. Nagtakbuhan na rin doon ang mga nurse at ang ilang doctor kaya pumunta na rin kami doon. Napatakip pa ako sa bibig ko nang makita ang sunod-sunod na pagdating ng mga tao na sugatan. Kung hindi man ambulance namin, private vehicle na naglalaman ng mga patients.

"Ano pong nangyari?" Tanong ni Dale sa isang pasyente na dumudugo ang noo. Nililinis niya nalang ang sugat nito tapos mag-uundergo na sila ng test kung may naapektuhan ba sa ulo nun.

"Aksidente po sa highway. Ang dami pong nadamay." Problemadong sabi niya bago kinuha ang cellphone para siguro kausapin ang pamilya niya. Muli kaming napalingon nang may panibagong ambulansya na naman ang dumating at may dalang mga pasyente. Agad ipinasok ang mga ito dito sa emergency room pero ang pinaka-nakakuha na ng atensyon ko ay ang mga sulat nila sa bandang braso.

"Sandali lang po." Pigil ko sa hospital staff na lalagpasan na sana ako dala-dala ang isang pasyente. Agad kong kinuha ang braso niya at napamaang nang makita ang mga nakalagay doon. Instructions. Yung dapat nalang naming gawin sa mga pasyente ay nakasulat doon. Such as mag-undergo ng ganitong test, dalhin sa ganitong department and many more. Nakakamangha.

"May problema po ba?" Tanong sa akin nung medical staff.

"Sino po ang nagsulat nito sa inyo?"
Tanong ko doon sa lalaki na may sugat sa kabilang braso niya. Siya din ang tulak tulak nitong medical staff na hinarang ko.

"May isang doctor po doon na tumutulong sa mga na-aksidente kanina pa. Tsaka dalawang nurse." Natural na sabi nito dahilan para magkatinginan kami nila Shane na nakarinig din sa isinagot ng taong 'to. Bukod kasi sa amin ay wala dito si Nurse Cha tsaka si Cade ganon na rin si Doc Rakki. Hindi kaya sila ang mga taong 'yun?

"Doctor po ba sa hospital na 'to?" Tanong ko ulit na ikinatango niya. Sila Doc Rakki nga...

Sabay-sabay kaming napalingon kay Doc Zayden nang bigla siyang lumapit sa amin. Sa amin talaga. Samantalang sila Doc Noah, Doc Lucy at Doc Meisha ay pinuntahan na ang ibang pasyente. May mga pumunta na ring ibang doctor sa ibang department. Nagkakagulo na talaga dito sa emergency room kahit sabihin mong malaki siya.

"Where's the doctor?" Tanong ni Doc Zayden sa isang matanda na may bandage na sa noo. Si Dale ata ang gumawa nun.

"Siya po 'yung gumagawa nun sa mga pasyente." Turo niya sa mga sulat sa mga braso ng mga pasyente. Sabi na nga ba at hindi ako pwede magkamali. Si Doc Rakki lang naman ang may ganong sulat kamay. Maganda tapos detailed pa ang nakalagay. Pero paano naman kaya nagawa ni Doc Rakki 'to eh madilim? I mean, gabi na! Ang galing niya talaga!