When Fighters Fall In Love

Chapter 54

Ayesha Rakki's POV

Napangiti ako nang lumapag na ang eroplano namin galing sa Paris. Gabi na ngayon sa Pilipinas at pagod na pagod ako. Halos isang araw din kasi akong nag-stay sa Paris para asikasuhin ang Aurevia at Le Couronne d'Ombre.

Maraming nangyayari sa Aurevia dahil sa panibagong mga board members. May tiwala naman ako sa kanila pero syempre since bago pa sila medyo nahihirapan sila mag-adapt pa. Kinailangan ko pang mag-isip kung ano nga ba ang pwede naming gawin para kahit papaano maging comfortable yung iba. Tutulungan naman ako ni Therese.

"Where are we going next?" Taas-kilay na tanong ni Faudia habang may hawak siyang kape na ikinatawa ko. Nakakatawa lang na ready pa rin siya na umalis kahit puro travel nalang ang ginagawa namin. Hindi rin talaga ako makapaniwala dito kay Faudia. "What?"

"You go straight to the hotel. Kailangan kong pumunta sa villa."

"Oh to informed your boyfriend?" Napairap ako sa narinig. Kahit kailan talaga 'to si Faudia.

"Yeah. Something you can't understand."

"Whatever. Just call me." Natural na sabi niya bago sumakay sa sasakyan at umalis na.

Ako naman ay nag-taxi nalang dahil ayoko na magpahatid pa sa kaniya. Hindi ako makakaalis sa hotel kapag nalaman nila Uncle na nandon ako. At least kay Faudia, hindi pa naman alam ng mga guards na nandito siya kaya makakaakyat pa siya ng maayos.

At syempre kailangan kong puntahan si Zayden. I've been receiving messages from him at hindi ako nakakapagreply. I know it's my fault kasi hindi ko talaga magawang magreply. I don't know. Am I afraid na kapag nagreply ako magtutuloy-tuloy at makakalimutan ko kung ano ba ang ginagawa ko sa Paris or natatakot ako sa sasabihin niya?

I honestly don't know anymore.

Sa dami ng nangyayari sa buhay ko, hindi ko na alam kung ano ang gagawin ko.

Nang tumigil ang taxi ay agad na akong bumaba at hindi nagdalawang isip na umakyat papunta sa room niya. Wala naman akong dalang luggage kaya hindi ako nahirapan na magpabalik-balik dito sa Pilipinas at sa Paris. Ang dami ko rin talagang damit sa Paris... at dito.

Since nandito na si Uncle Sean, bumalik na naman siya sa sakit niya na bumili ng kung ano-ano. Hindi siya pwede pumunta sa mga malls dahil ang dami na naman niyang binibili. Pabor kay Tristan pero sakin? Masiyado na akong maraming gamit dito para bumili pa siya ng ganon karami.

Dalawang beses pa akong nag-doorbell pero wala pa ring sumasagot sa pangalawang doorbell ko kaya napakunot na ang noo ko.

"Hindi pa ba siya nakakauwi?" Bulong ko sa sarili ko at kinuha ang cellphone ko.

Balak na sana siyang tawagan pero napatigil din agad nang maramdaman ang mga braso na pumalibot sa bewang ko. Nang lingunin ko ay bumungad sa akin si Zayden na mukhang kakauwi lang galing ng hospital. Suot-suot niya pa ang bag niya.

Tss.

"Hi baby, I missed you." Bulong nito na ikinangiti ko.

Hindi pa ako nakapagsalita agad dahil pagpasok na pagpasok namin sa loob ng apartment niya ay sinandal niya kaagad ako sa pader at hinalikan.

Inilagay ko ang mga braso ko sa leeg niya kaya mas yumakap pa siya lalo sa akin. Ang bag na dala namin pareho ay nahulog na. Kahit ang cellphone ay nahulog na doon pero binalewala na namin yun dahil naramdaman ko nalang ang likuran ko na bumagsak sa couch sa living room niya.