When Fighters Fall In Love

Chapter 30

This is the updated version of Chapter 30. However, I'll update it once more if I encounter any problem or issues. Thank you for your understanding!

Updated: January 13, 2022

Ayesha Rakki's POV

Agad kong kinuha ang bag ko at nagmadaling lumabas ng opisina ko. Hindi ko maintindihan ang kabang nararamdaman ko. Natatakot ako. Natatakot na naman ako dahil si Tristan 'yun. Sana mali. Sana mali 'yung iniisip ko. Kung ano-ano na agad ang pumasok sa isip ko. Naiiyak na naman ako.

Nang mapunta ako sa labas ay agad kong nakita si Mang June na mukhang pupunta kay Kyla kaya hinarang ko na siya na bahagya pang nagulat.

"D-doc..."

"Mang June pahiram muna ako ng sasakyan." Hindi ko na siya hinintay na magsalita at kinuha nalang ang susi na nasa kamay niya bago nagmadaling hanapin ang sasakyan. Nanginginig pa ang kamay ko habang pinapasok ang susi kaya mahina pa akong napamura bago tuluyang makapasok at mabilis na pinaandar 'yun. Sinubukan ko pang tawagan si Uncle pero hindi na rin sumasagot kaya mas lalo lang akong nagpanic. "Come on, Uncle. Pick up the phone." Kinuha ko na rin ang baril ko at muling tinawagan si Uncle na sa wakas ay sumagot na rin.

[What? It's 1am, Rakki. Why are you calling me?] halatang kakagising lang na tanong nito. Wala na akong pakialam sa oras dahil kakaiba na ang takot na nararamdaman ko.

[Nasan ka?] Tanong ko at ibinato ang bag ko sa back seat bago pinapatakbo ng mabilis ang kotse. Halos wala na ako sa sarili ko dahil kahit nakared light ay hindi ko 'yun pinansin at pinaandar nalang ng mabilis 'yung sasakyan. Muntik pa nga akong may mabangga pero iniliko ko kaagad 'yung sasakyan dahil kailangan ko ng makauwi. Kailangang-kailangan ko ng umuwi.

[Nasa bahay ako ng mga Farrell. Hindi ba't sinabi ko na sa inyo 'yun. Teka nga, may problema ba?] Nagtatakang tanong nito. Mahina akong napamura dahil sa sinabi niya. Oo nga pala at nagmessage siya sa akin kanina. [Ayesha, what the hell is happening?] Seryoso na nitong tanong sa akin.

[Uncle....m-may tao sa hotel. Nandoon si Tristan.] emosyonal na sabi ko na ikinatahimik ng kabilang linya. Napapikit pa ako sa inis nang makitang traffic sa harapan kaya umikot na naman ako at hindi na pinansin lahat ng nangyayari. Basta kailangan ko ng makarating kay Tristan. Natanaw ko na rin naman ang building ng hotel nang sumagot si Uncle.

[Papunta na ako.] narinig ko pa ang mabilis na paglalakad ni Uncle bago tuluyang namatay ang linya. Sa pinakaharapan ako dumaan kaya nang tumigil ako doon ay ibinato ko nalang ang cellphone ko sa sasakyan at mabilis na tumakbo papasok. May sinabi pa 'yung guard sa akin pero hindi ko na siya inintindi pa at nagmadali na papunta ng elevator. Pero agad din akong napamura nang makitang kailangan ko pa maghintay dahil nasa mataas na floor pa ang elevator at matatagalan ang pagbaba. "Putcha naman!" Inis kong sabi at tumakbo papunta sa fire exit at doon dumaan. Hindi ko naisip pa ang pagod sa mga oras na 'yun dahil iisa nalang ang tumatakbo sa utak ko at 'yun ay si Tristan.

Agad kong inihanda ang baril ko nang makarating sa tapat ng room namin. Hindi nakalock 'to kaya bumungad sakin ang napakadilim na kapaligiran at ang kalat kalat na gamit namin. May mga basag pang vase doon. Kinuha ko na rin ang kunai ko at hinawakan 'to gamit ang kabilang kamay ko dahil ang kabila ay nakahawak sa baril. Kailangan kong mag-ingat.

Dahan-dahan akong pumasok sa loob para hindi mahalata na nandito ako pero agad nang may sumipa sa kamay ko dahilan para mabitawan ko ang baril na hawak ko. Halos hindi ko na namalayan ang nangyari dahil napangiwi nalang ako nang maramdaman ang malakas na pagbagsak ko sa sahig pero agad ding tumayo at sinubukan na lumaban. Ilang minuto pa akong nakipaglaban sa mga tao doon bago ako napayuko dahil sa hingal pero nakuha ko pang tingnan ng masama ang lalaking prenteng nakaupo sa couch ng living room.