When Fighters Fall In Love

Chapter 24

This is the updated version of Chapter 24. However, I'll update it once more if I encounter any problem or issues. Thank you for your understanding!

Updated: January 11, 2022

Tristan Keith's POV

Maaga ako gumising ngayon para asikasuhin 'yung company sa Paris. Ang daming sinend sakin na file ng secretary ko at hindi naman ako makapagreklamo dahil kailangan ko naman talaga asikasuhin 'yun. Mabuti nga ngayon at nakakapag-club man lang ako. Nung nasa Paris ay bihira talaga dahil madalas ay nasa opisina ako o kaya naman ay may kinakausap akong kliyente.

[Anong balita?] tanong ko kay Lay nang tumawag siya sakin ngayon. Sinabihan ko din kasi siya na i-update ako.

[Isesend ko po ba 'yung video kagabi sa apartment ni Rakki?] Tanong niya na bahagya kong ikinatigil. Hindi ko rin kasi alam kung anong oras siya nakauwi o kung safe ba siya o kung nakauwi ba talaga siya. Halos hindi ako makatulog kagabi kakaisip. Nagdrive pa nga ako papunta sa apartment niya kagabi pero hindi ko naman tiningnan kung may tao. Napakabobo.

[Oo. Sige.] Sabi ko at ibinaba na ang telepono. Saglit lang akong naghintay bago ko nareceive sa email ko ang video. Gusto kong mapangisi nang makita na naglakad sa gitna ni Meisha at Zayden si Rakki na parang hindi niya ito kilala. Pfft, ganon naman talaga si Rakki pero napunta na ang atensyon ko kay Zayden na nagulat pa ata doon. Tss. Nagugulat siya ng ganon eh nasa harapan niya ang fiancee niya. Hay nako talaga.

Sunod na nakita ko ay ang pagpasok ni Zayden sa loob ng apartment ni Rakki pagkalipas ng ilang minuto. Talagang pinuntahan niya ang kapatid ko. Pinindot ko pa ang fast forward dahil pumasok na sila sa loob. Eh, wala naman akong inilagay sa loob nun na cctv dahil ayaw ni Rakki. "Hala, putcha. Anong ginawa nila sa loob?" Naguguluhan na tanong ko hanggang sa makita kong lumabas na si Zayden.

Pinagmasdan ko pa ng mabuti ang video at laking gulat ko nang makita na bahagya pang ngumiti si Rakki doon sa pintuan bago umalis si Zayden. Nakita ko 'yun kasi nga nakabukas ang pintuan! Argh! Gusto ko naman si Zayden ang kaso lang talaga ikakasal na nga siya! Masasaktan lang si Rakki diyan, eh! Kaya ayoko!

"Okay ka lang? Para kang nakakita ng multo." Natatawang sabi ni Uncle sa akin nang dumaan siya sa harapan ko para kumuha ng tubig. Nandito kasi ako sa dining area at umiinom ng kape.

"Uncle, halika dali." Nagmamadali kong sabi na ikinakunot ng noo niya.

"Ang aga-aga, Tristan. Ano ba 'yan?"

"Yan ba 'yung sinasabi mong magiging okay din agad si Rakki?" Kunot noong tanong ko habang pinapakita 'yung video ni Rakki at Zayden kagabi sa apartment. "Paano mo nasabi 'yan? Baka saktan lang niyan si Rakki! Ayoko!" Reklamo ko kay Uncle na ikinatawa niya at bahagya pang ininom ang kape ko.

"Hindi niya gagawin 'yun. Kilala ko ang batang Farrell. Putcha, may asukal ba 'to? Ang tabang!"

"Eh, akin kasi 'yan. Bakit mo ininuman?"

"Magtitimpla nalang ako ng sakin. Ang weirdo mo." Kelan ba uuwi sa Paris 'to si Uncle? Tss.

Ayesha Rakki's POV

Maaga akong nagising kinabukasan kahit umiyak na naman ako kagabi. Nagising na naman ako sa isang panaginip. Sabi ko na nga ba at babalik na naman 'yun. Hanggang kelan ba ako tatantanan ng ganon? Napapagod rin ako.