// Unicode //
~~~~~~~~~~" ကျွန်တော်လုပ်လိုက်ပါ့မယ် "
လက်ထဲကဖန်ခွက်တွေကိုယူကာ အနောက်ခန်းထဲသို့ဝင်သွားသော ရှင်းသန့်ကိုကြည့်ပြီး ခွန်းချိုသာဟန် မျက်ခုံးတို့တွန့်ချိုးသွား၏။ ဒီနေ့ ရှင်းသန့်တစ်ယောက်ထူးဆန်းနေသည်။
" ဘာခိုင်းစရာရှိလဲဟင်၊ ရေခဲသွားဝယ်ရဦးမလား အစ်ကို "
" မရှိပါဘူး၊ ဘာမှမဝယ်ရဘူး "
သူပြောလိုက်ပေမယ့် အနားမှမခွာသေးဘဲ ပြုံးပြနေသောကောင်လေးကြောင့် အနေခက်လာသည်။ ဒီကောင်လေးဘာဖြစ်နေလဲမသိ။
နောက်နေ့တွေမှာလည်း ရှင်းသန့်ကို သူသတိထားမိသည်။ အရင်လိုမဟုတ်ဘဲ ပိုပြီးသွက်လက်နေ၏။ အရင်ကဆို ရှိမှန်းတောင်မသိရအောင် ငြိမ်နေတတ်သောကောင်လေးက အခုတော့ ဆိုင်မှာသူ့အသံချည်း။ စကားပြောနည်းတဲ့သူက အခုတော့ ဧည့်သည်တွေနဲ့ပါတရင်းတနှီးပြောဆိုနေပြီဖြစ်သည်။
အထူးဆန်းဆုံးကတော့ သူ့အနားကိုရောက်တိုင်း ပြုံးပြီးလိုက်ကြည့်နေခြင်းဖြစ်သည်။ ဒါဟာ ဘာမဟုတ်တဲ့ကိစ္စလေးဆိုပေမယ့် သူ့အတွက်တော့ထူးဆန်းသည်။ အရင်က မျက်လုံးချင်းဆုံဖို့ဝေးစွ သူအနားရောက်သွားရင် အမြဲခေါင်းငုံ့ထားတတ်သောကောင်လေးက အခုများမှာတော့ အကြည့်ချင်းဆုံအောင်တမင်လုပ်နေသည့်အလား။
* မင်းကိုကြိုက်နေတာသေချာတယ် *
ရုတ်တရက် ပြန်ကြားယောင်မိသော ရန်ငြိမ်းဝေရဲ့စကားကြောင့် အလိုလိုပင်ခေါင်းကိုခါရမ်းမိသည်။ မဖြစ်နိုင်တာတွေ..။
" သွားပြီ ကိုခွန်း "
" ဪ..အင်း.. လမ်းမှာဂရုစိုက် "
ဆိုင်သိမ်းချိန်ဖြစ်၍ ဝန်ထမ်းလေးများကနှုတ်ဆက်ကြသည်။ အကုန်ထွက်သွားပြီးမှ အနားသို့ ရှင်းသန့် ရောက်လာသည်။ ထုံးစံအတိုင်း ပြုံးစိစိမျက်နှာပေးလေးဖြင့်..။
" အစ်ကို မပြန်သေးဘူးလားဟင် "
" အင်း စာရင်းစစ်စရာလေးရှိသေးလို့ "
" ကျွန်တော်နေပေးရဦးမလား "
" ဘာအတွက်လဲ "
YOU ARE READING
𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗
Romanceပထမဆုံးအရေးသားမို့ လိုအပ်ချက်တွေများပြီး ဇာတ်အိမ်ပေါ့ပါတယ်။