// Unicode //
~~~~~~~~~~
အခန်းထဲတွင်စာဖတ်နေတဲ့ ဟန့်ကိုကြည့်ပြီး ရှင်းသန့် ပြောသင့်၊ မပြောသင့်စဉ်းစားနေသည်။ လက်ထပ်ပြီးသော်လည်း ဟန်က ရွှန်းလဲ့ဆိုသည့်မိန်းကလေးနှင့် အဆက်သွယ်ရှိနေဆဲ။ အချိန်မရွေး ဟန့်ကိုဆုံးရှုံးရနိုင်သည်။ ဒါကြောင့် အခုလို အနားရှိနေခွင့်ရတဲ့အချိန်လေးမှာ ဟန်နှင့်ပျော်စရာကောင်းသည့် အခိုက်အတန့်လေးတွေဖန်တီးချင်မိသည်။ ဟန်ကတော့ လက်ခံပါ့မလားမသိ။
" ကလေးလေး "
" ဗျာ.. မမနေခြည် "
" ဘာတွေချောင်းနေတာတုန်း "
" မချောင်းပါဘူး.. ဟီး "
" ကြည့်.. ဒီမမကမြင်တာတောင် ငြင်းချင်သေးတယ်၊ ဘာလဲ ခွန်းကိုပြောစရာရှိလို့လား "
ရှင်းသန့် ခေါင်းညိတ်လိုက်သည်။
" ပြောစရာရှိတာများသွားပြောလေ၊ ခွန်းကကြောက်စရာကောင်းနေလို့လား ကလေးလေးရဲ့ "
" အဲ့လိုမဟုတ်ပါဘူး၊ ကျွန်တော်ပြောရင်.. ဟန်ကလက်ခံပါ့မလားမသိလို့ "
ရှင်းသန့် ပြောလိုက်တော့ မမနေခြည်ကတစ်ချက်ရယ်ကာ စကားဆိုလာသည်။
" မပြောကြည့်ဘဲနဲ့ ဘယ်သိမှာလဲ၊ ဘာကိစ္စပဲဖြစ်ဖြစ် ခွန်းက ကလေးလေးကိုဦးစားပေးမှာ မမပြောတာကိုယုံလိုက် "
" ဒါပေမယ့်လဲ.. "
" ကဲ သွားပါ၊ ရင်ထဲရှိတဲ့အတိုင်း ဖြစ်ချင်တာတွေပြောချပစ်လိုက် "
ပြောပြီး ရှင်းသန့်ကို အခန်းထဲတွန်းထည့်လိုက်လေသည်။ စာဖတ်နေသည့် ဟန်က လှည့်ကြည့်တော့ ရှင်းသန့် ဟီးခနဲရယ်ပြရုံမှလွဲပြီး ဘာပြောရမှန်းမသိ။
" ဘာလဲ ရှင်းသန့် "
" ကျွန်တော်..ဟန့်ကိုပြောစရာရှိလို့ "
" ပြော "
" ဟိုဟာ.. ဟန်များ..ရုပ်ရှင်ကြည့်ချင်လားလို့ "
" ရုပ်ရှင် ? "
" ဟုတ် "
" ရှင်းသန့်ကြည့်ချင်လို့လား "
ဟန်ကလက်ခံမယ့်ပုံစံဖြစ်သောကြောင့် ရှင်းသန့်ပျော်သွားကာ ခေါင်းတဆတ်ဆတ်ညိတ်လိုက်၏။
YOU ARE READING
𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗
Romanceပထမဆုံးအရေးသားမို့ လိုအပ်ချက်တွေများပြီး ဇာတ်အိမ်ပေါ့ပါတယ်။
