𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗

🍑 Final 🍑

// Unicode //
~~~~~~~~~~

‌* Beeee..... Beeee..... *

* Beeee..... Beeee..... *

အဆက်မပြတ်ဝင်နေသောဖုန်းသံဟာ အနှောင့်ယှက်ဖြစ်လွန်းသည်။ မျက်လုံးတွေမဖွင့်‌သေးဘဲ ဖုန်းကိုလိုက်စမ်းသည်။ လက်ထဲ ဖုန်းရောက်လာမှ နားမှာကပ်လိုက်၏။

" Hello.. "

* ဝိုင်းမင်းဆက် !! မင်းဘယ်မှာလဲ *

တစ်ဖက်ကအော်သံစူးစူးကြောင့် ဖုန်းကို နားနဲ့ခွာလိုက်ရသည်။ နာမည်မမှတ်ထားသည့်ဖုန်းနံပါတ်ကို သူလည်းမသိ။

" ဘယ်သူလဲ "

* ငါ.. ငါ.. မင်းကျေးဇူးရှင် လင်းရူပါသွင် *

" ဪ.. ဘာလို့အော်ဟစ်နေတာတုန်း၊ ဖြည်းဖြည်းပြောပါဟ "

* ငုံးကောင် !! ကိုတေဇကို မင်းခိုးမှာလား ငါခိုးမှာလား *

" ဟမ် !? အား.... သွားပြီ.. သွားပြီ... ငါမေ့နေတာ.. အခုလာပြီ.. အခုလာပြီ... ဘယ်နားရောက်ပြီလဲ "

* ×××× လမ်းက ××××× ဆိုင်မှာ၊ ငါအချိန်ဆွဲထားမယ် မြန်မြန်လာ *

" အင်း အင်း အခုလာပြီ "

ဖုန်းချပြီးတာနဲ့ ကုတင်ပေါ်ကအပြေးအလွှားဆင်းကာ ဦးထုတ်ကိုအမြန်ဆောင်းလို့ အဆင်ပြေမယ့်အင်္ကျီလက်ရှည်တစ်ထည်ကောက်စွပ်ပြီး ထွက်လာခဲ့သည်။ ဖိနပ်ကိုတောင် ဓာတ်လှေကားထဲရောက်မှ ကြိုးချည်ရသည့် ဝိုင်းမင်းဆက်ပင်။ ကိုကြီးကို ကားတင်ပြေးမယ့်အကြံကြောင့်တစ်ညလုံး အိပ်မပျော်နိုင်အောင်စိတ်လှုပ်ရှားခဲ့ပြီးမှ ရုတ်တရက်မေ့သွားရသည့်အဖြစ်။

" ဟာ.. ကားသော့ကျန်ခဲ့ပြန်ပြီ.. ရူးချင်တာပဲ ဝိုင်းမင်းဆက်ရာ !! "

အခန်းကိုပြန်ပြီးကားသော့ပြန်မယူချင်တော့၍ ကားသာငှားလိုက်တော့သည်။ ထိုအခါတွင်လည်း ဝိုင်းမင်းဆက်တို့ စိတ်ညစ်စရာကြုံရပြန်သည်။ သူစီးလာ‌သောကားက ကားများစွာစီတန်း‌နေသောဓာတ်ဆီဆိုင်သို့ ဦးတည်နေသည်လေ။

" ဦးလေး.. ဆီမရှိ‌တော့ဘူးလားဟင် "

" ရှိတော့ရှိပါသေးတယ်၊ ကြိုထည့်ထားမလို့ "