// Unicode //
~~~~~~~~~~အေးစက်စပြုနေပြီဖြစ်သောကော်ဖီခွက်ကို အချိန်အတော်အတန်ကြာကြည့်နေရင်း ပြောရမယ့်စကားတွေကို ရွှန်းလဲ့စဉ်းစားနေသည်။ အရှေ့က ကောင်လေးမှာ ရွှန်းလဲ့ရဲ့မောင်လေးအရွယ်သာရှိသေး၍ နစ်နာစရာစကားတွေလဲ မဆိုချင်။
" အစ်မလိုရင်းကိုပဲပြောတော့မယ် ရှင်းသန့် "
ဖြူနုနေသောမျက်နှာလေးက ယောကျာ်းလေးတစ်ယောက်မှဟုတ်ရဲ့လားလို့ အထင်မှားချင်စရာ။ ခွန်းနဲ့ကိစ္စတွေသာမဖြစ်ခဲ့ရင် ရှင်းသန့်ဆိုတဲ့ကောင်လေးကို ရွှန်းလဲ့ချစ်မှာပါ။
" မင်း ခွန်းဆီကဘာလိုချင်တာလဲ "
" ဗျာ "
" မင်းရဲ့နောက်ကြောင်းတွေ အစ်မစုံစမ်းပြီးပြီ၊ သာမာန်ပါပဲ..၊ အဲ့ဒီတော့ ခွန်းကိုချဉ်းကပ်တာ ဘာလိုချင်လို့လဲ "
ကောင်လေးဆီကစကားကိုစောင့်နေပေမယ့် ဘာတစ်ခွန်းမှထွက်မလာ။
" ရှက်စရာကောင်းလို့ ထုတ်မပြောချင်ပေမယ့် ပြောရတော့မယ်၊ တကယ်ဆို ယောကျာ်းလေးနှစ်ယောက်အတူတူအိပ်မိတာ ပြဿနာမှမရှိဘဲ၊ ကိုယ်ဝန်ရနိုင်တာလဲမဟုတ်ဘူးလေ "
ကောင်လေးရဲ့မျက်ဝန်းတွေကို စိုက်ကြည့်ရင်း ရွှန်းလဲ့ လေသံအေးအေးနဲ့ပဲ ဆက်ပြောလိုက်သည်။
" ဒီတော့ ခွန်းကိုအရယူထားတာ တစ်ခုခုလိုချင်လို့ပဲမလား "
ကောင်လေးစိတ်လှုပ်ရှားနေတယ်ဆိုတာ ဂနာမငြိမ်သော မျက်လုံးတွေကိုကြည့်တာနဲ့သိသည်။
" ရှင်းသန့်.. အစ်မကိုပွင့်ပွင့်လင်းလင်းပဲပြောလို့ရတယ်၊ ခွန်းကိုပြန်မပြောဘူး ဟုတ်ပြီလား "
ရွှန်းလဲ့ပြောလိုက်တော့ ကောင်လေးခေါင်းငုံ့သွားသည်။ စက္ကန့်ပိုင်းလောက်ကြာမှာ အသံတိုးတိုးလေးနဲ့ ထုတ်ပြောလာသည်က..
" ကျွန်တော်.. အစ်ကို့ကို.. အစ်ကို့ကိုချစ်လို့.. "
" ချစ်လို့.. "
" ဟုတ်တယ်.. ကျွန်တော် အစ်ကို့ကိုချစ်တယ် "
" မင်းစကားတွေကို အစ်မကယုံမယ်ထင်နေလား "
YOU ARE READING
𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗
Romanceပထမဆုံးအရေးသားမို့ လိုအပ်ချက်တွေများပြီး ဇာတ်အိမ်ပေါ့ပါတယ်။