// Unicode //
~~~~~~~~~~
" ရော့ "
ပန်းကန်ထဲသို့ရောက်လာသော အခွံနွှာပြီးသားပုစွန်နွေးနွေးလေးများကြောင့် ပြုံးလျှက်ဆိုလိုက်သည်။
" thanks ကိုတေဇ "
ရူပါ စားသမျှကိုဘေးကနေ ဂရုတစိုက်ကြည့်ပေးနေသော မိုးတေဇယံ..။ ရူပါ့အတွက် အအေးလည်းယူပေးသည်။ အသားတွေလည်းကင်ပေးပြီး ပုစွန်တွေလည်း တစ်ကောင်ပြီးတစ်ကောင်အခွံနွှာပေးနေ၏။
" ရူပါက ဟော့ပေါ့သရဲလေးပဲ "
" ကိုတေဇကလည်းဗျာ၊ အခုမှ တစ်ခါပဲဝယ်ကျွေးတာကို "
" ဟား.. နောက်လည်း လိုက်ကျွေးဦးမှာပါကွာ၊ စားချင်တဲ့အချိန်သာပြောလိုက် "
ကိုတေဇနှင့်အိမ်နီးချင်းဖြစ်ရတာ ရူပါ့အတွက် ဘုရားပေးတဲ့ဆုပင်။ အလုပ်မရှိ၍ပျင်းနေသော ရူပါကို ကိုတေဇက မုန့်လိုက်ကျွေးလိုက်၊ ဟော့ပေါ့ဆိုင်ခေါ်လာလိုက်နှင့်ဖြစ်သည်။ အမြဲတမ်းလဲ ရူပါ့ဘေးကနေ တတွတ်တွတ်နဲ့စကားတွေပြောကာ ဂရုစိုက်ပေးသည်။
ကြာတော့ လူကရင်ခုန်ချင်သလိုလို ဘာလိုလိုတွေဖြစ်လာရပြီ..။
" နောက်တစ်ခါ သောက်ဖို့အဖော်မရှိရင် ကိုယ်လိုက်ပေးမယ်၊ အများကြီးသောက်မယ်ဆိုလဲ တစ်ယောက်တည်းမသွားနဲ့ ရူပါရာ "
" အဲ့ဒီတုန်းက ဖုန်းမှားခေါ်တာ၊ sorry ကိုတေဇ.. ဟီး "
" ရပါတယ်၊ နောက်တစ်ခါ တစ်ယောက်တည်းဆို အဲ့လောက်မသောက်နဲ့နော် "
ရူပါ ခေါင်းညိတ်ပြလိုက်တော့..
" လိမ္မာတယ် "
ပြောပြီး သွားစွယ်လေးများပေါ်သည်အထိ ချစ်စရာကောင်းစွာရယ်ပြသော ကိုတေဇ..။ ထိုသို့ရယ်လိုက်တိုင်း ရူပါတစ်ယောက်ငေးခနဲဖြစ်သွားတတ်သည်။
" ရေခဲမုန့်စားမလား "
" အွန်း.. စားမယ်၊ ချောကလတ် "
" ဟုတ်ပြီ "
နေရာမှထသွားသော ကိုတေဇကိုကြည့်ပြီး ရူပါ အသည်းယားကာပြုံးလိုက်မိသည်။ ကိုတေဇနှင့် မုန့်ထွက်စားတိုင်း ရည်းစားနှင့် date လုပ်သလိုခံစားရတာ သူ့ရဲ့လိုတာထက်ပိုသည့်ဂရုစိုက်မှုများကြောင့်လား..။
YOU ARE READING
𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗
Romanceပထမဆုံးအရေးသားမို့ လိုအပ်ချက်တွေများပြီး ဇာတ်အိမ်ပေါ့ပါတယ်။
