// Unicode //
~~~~~~~~~~" ရှင်းသန့် ဘာဖြစ်နေလဲ မိုးသောက် "
" ကျွန်တော်လဲသေချာမသိဘူး ကိုခွန်း၊ ၁ ပတ်လောက်နားချင်တယ်လို့ပဲပြောတယ် "
ခွန်းချိုသာဟန် သက်ပြင်းချ၏။ ဒီနေ့ဆို ရှင်းသန့် ဆိုင်ကိုမလာတာ လေးရက်ခန့်ရှိပြီဖြစ်သည်။ ဘာဖြစ်တယ်ဆိုတာလဲ ရေရေရာရာမသိရ။ ခိုင်လုံတဲ့အကြောင်းပြချက်မပေးဘဲ အလုပ်ကိုမလာတာကတော့ မဖြစ်သင့်ဘူးလို့ထင်သည်။ အလုပ်ထွက်ချင်တာဆိုရင်လည်း ပွင့်ပွင့်လင်းလင်းပြောသင့်တယ်မဟုတ်လား။
" ကိုခွန်း "
" ဪ.. ရူပါ "
" ကျွန်တော်တို့ ခဏလောက်စကားပြောလို့ရမလား "
" ရတယ်လေ "
ဆိုင်ရဲ့ထောင့်ကျသောဝိုင်းတွင်ထိုင်ကာ နှစ်သောက်သားစကားပြောဖြစ်ကြသည်။ အမှန်တော့ တစ်ခုခုကိုအတွေးလွန်နေဟန်ရှိသောရူပါက တိတ်နေ၍ သူကပဲ စကားစလိုက်သည်။
" ကိုယ့်ကိုပြောစရာရှိလို့လား ရူပါ "
" အင်း.. ကျွန်တော် ဘယ်ကစပြောရမှန်းမသိလို့.. "
" တစ်ခုခုအကူညီလိုလို့လား၊ အားမနာနဲ့ ပြော "
" မဟုတ်ဘူး ကိုခွန်း၊ ဟို.. ရှင်းသန့်ကိစ္စ.. "
ရှင်းသန့် ကိစ္စဆို၍ သူစိတ်ဝင်စားသွားသည်။ ရူပါ့ကိုတွေ့တော့ ဒီကောင်လေးအကြောင်းမေးကြည့်ဖို့ တွေးထားပြီးသားဖြစ်သည်။
" ရှင်းသန့် ဘာဖြစ်လို့လဲ ညီ၊ ဆိုင်ကိုလဲမလားဘူး၊ မိုးသောက်ကိုမေးတော့လည်း ဘာမှရေရေရာရာမသိရဘူး "
" အဲ့ဒါက... မိုးသောက် ဘာမှမသိလို့ပါ "
ရူပါ့ ပုံစံကပြောရခက်နေသည့်ပုံ။
" ကိုခွန်း ဘာမှမမှတ်မိဘူးလား "
" ဘာကိုလဲ "
" ကျွန်တော်တို့ အတူတူသောက်တဲ့ညက အကြောင်း "
သူပြန်စဉ်းစားကြည့်သည်။ သောက်တာများသွား၍ သူအတော်လေးမူးသွားပြီး ခေါင်းမထောင်နိုင်တော့။ နောက်တော့ဘာတွေဖြစ်သွားလဲ သူမသိ။ သူနိုးလာချိန်မှာတော့ တည်းခိုခန်းတစ်ခုမှာဖြစ်သည်။
YOU ARE READING
𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗
Romanceပထမဆုံးအရေးသားမို့ လိုအပ်ချက်တွေများပြီး ဇာတ်အိမ်ပေါ့ပါတယ်။