// Unicode //
~~~~~~~~~~
" သူက မိုးသောက်.. ငါ့ကောင်လေး "
" ဪ.. တွေ့ရတာဝမ်းသာပါတယ်ရှင်၊ တို့က ယုဇနပါ "
ရယ်ပြုံးကာ ပြန်လည်နှုတ်ဆက်နေတဲ့ချာတိတ်ကိုကြည့်ပြီး ရန်ငြိမ်းဝေ တစ်ချက်ပြုံးလိုက်သည်။ သူမကြိုက်ဘူးဆိုတာသိလည်း ကျီစယ်ချင်မိတဲ့စိတ်ကထိန်းမရတော့ လက်ကအလိုလိုပင် ချာတိတ်ပခုံးပေါ်ရောက်သွား၏။
" ဘယ်လိုလဲ၊ အခုယုံပြီလား "
" အေးပါဟာ၊ ယုံပါပြီ "
ပခုံးကိုသိုင်းဖက်ထားရင်း ချာတိတ်ရဲ့ပါးကိုထိတို့နေတော့ ပြုံးကာလှည့်ကြည့်လာသည်။ လိုတာထက်ပိုနေတဲ့အပြုံးရဲ့အဓိပ္ပာယ်ကိုသိနေသူ ရန်ငြိမ်းဝေကတော့ လက်ကိုပြန်ရုတ်လိုက်ရသည်။
" ကျွန်တော် သန့်စင်ခန်းသွားလိုက်ဦးမယ် "
" တစ်ယောက်တည်းဖြစ်ရဲ့လား၊ ကိုယ်လိုက်ခဲ့ပေးရမလား "
" ရတယ်၊ မလိုဘူး "
ပြုံးရင်း ရန်ငြိမ်းရဲ့ပခုံးကိုနှစ်ချက်လောက်ပုတ်သွားလေသည်။
" ဟဲ့ နင်ကပိုင်လှချည်လား ရန်ငြိမ်း "
ယုဇနက ထွက်သွားတဲ့မိုးသောက်ကိုလိုက်ကြည့်ပြီး ဆိုလေသည်။
" နင်ကြိုက်ရင်လဲ တခြားနည်းလမ်းနဲ့လိုက်ပါဟ၊ နင်လိမ်နေတာသိသွားမှ ပိုဆိုးသွားမယ် "
" နင်ပြောသလို မလွယ်ဘူး ယုဇန၊ သူက ငါလိုက်ဖူးတဲ့လူတွေနဲ့မတူဘူး "
" ဒါဆို ပြောစမ်းပါဦး၊ သူနင့်ကိုဘာတွေနဲ့များ စွဲဆောင်လိုက်သလဲ "
ယုဇနရဲ့မေးခွန်းအတွက် သူ့မှာအဖြေမရှိ။ ချာတိတ်ကို ဘာကြောင့်များစိတ်ဝင်စားမိသွားလဲ။ အမြဲလို မှုန်ကုပ်နေတဲ့မျက်နှာထားနဲ့ ထိုးမယ်ကြိတ်မယ်ဆိုတဲ့ဒေါသအိုးရဲ့ ဘယ်အရာတွေကများ သူ့ကိုဆွဲဆောင်နေသလဲ။
" နင်အတည်ကြီးလား ရန်ငြိမ်း "
" မသိဘူး "
လူတစ်ယောက်ကို နှစ်လပြည့်အောင်ပင်မတွဲဖူးတဲ့ သူ့အတွက် ချာတိတ်ကိုစိတ်ဝင်စားတာလဲ အတည်လား၊ မတည်လား သူမသိပါ။
YOU ARE READING
𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗
Romanceပထမဆုံးအရေးသားမို့ လိုအပ်ချက်တွေများပြီး ဇာတ်အိမ်ပေါ့ပါတယ်။
