Stay with me

Try to get your attention

Austin POV

ကျွန်တောအခုအရမ်းပျော်နေမိပါတယ်ဘာလို့ဆိုကျွန်တော့်ဘဝမှာပထမဆုံးတောင်းဖူးတဲ့ဆုတောင်းလေးတခုပြည့်ခဲ့ပြီမို့ပါ။ ကျွန်တော်သူ့ကိုတခါလောက်အပြင်မှာမြင်ဖူးချင်ခဲ့တာ ဓာတ်ပုံတွေကတဆင့်မဟုတ်ဘဲ၊ အမေပြောပြနေကျစကားတွေကမဟုတ်ဘဲ
လူကိုယ်တိုင် တခါလောက်တွေ့ဖူးချင်တာ။ အမေအမြဲပြောပြခဲ့ဖူးသလို Markကတကယ်ကိုချစ်စရာကောင်းတဲ့ကလေးဖြစ်တယ်ဆိုတာကျွန်တော့် ကိုယ်တွေ့မို့ အခုဆိုယုံသွားပါပြီ။ အမေဆိုတာကျွန်တော့ရဲ့မိထွေးတဖြစ်လဲMarkရဲ့မွေးမိခင်ပါ။ ကျွန်တော့်အမေအရင်းက ကျွန်တော့်ကိုမွေးပြီးသေသွားခဲ့တာမို့ ငယ်ငယ်ကတည်းကမိခင်မေတ္တာမရခဲ့တဲ့ ကျွန်တော့်အတွက်အမေရောက်လာခြင်းကသိပ်ကိုပျော်စရာကောင်းခဲ့ပါတယ်။အ‌ေဖကအမြဲ သူ့ရဲ့စီးပွားရေးလုပ်ငန်းတွေနဲ့ လုံးပမ်းနေခဲ့တော့ ထိုင်းလူမျိုးဖြစ်တဲ့အမေနဲ့ပိုအနေများခဲ့တဲ့ကျွန်တော်က အမေ့ရဲ့ဘဝအကြောင်းကိုပါပြည့်ပြည့်စုံစုံသိခွင့်ရခဲ့ပါတယ်။အမေကကျွန်တော့်အတွက်ညီငယ်လေးထပ်မမွေးပေးဘဲ နေခဲ့လို့ ကျွန်တော်ကညီလေးတယောက်အမြဲလိုချင်ခဲ့ပါတယ်။အဲ့လိုပူဆာတိုင်းလည်း အမေကအမြဲအဓိပ္ပာယ်တွေအပြည့်ပါတဲ့အကြည့်မျိုးနဲ့ကျွန်တော့ကိုကြည့်တက်ပါတယ်။ကျွန်တော့်ဆီကအဲ့လိုစကားကြားပြီးတဲ့ရက်မျိုးဆိုအမြဲပြုံးနေတက်တဲ့အမေက လွမ်းလွမ်းဆွေးဆွေးနဲ့ကလေးတယောက်ဓာတ်ပုံကိုထုတ်ပြီးကြည့်လေ့ရှိပါတယ်။ နောက်မှအမေ့ဆီက အတင်းမေးရင်းသိခဲ့ရတာက Markကိုအမေကအငှားကိုယ်ဝန်လွယ်ပေးခဲ့တာဖြစ်ပြီး မွေးပြီးသိပ်မကြာဘဲသူ့အဖေရင်းနှစ်ယောက်ဆီကိုပေးခဲ့ရတယ်ဆိုတာပါ။ Markအဖေကအမေ့ရဲ့ အသက်သခင်ကျေးဇူးရှင်ဖြစ်တာမို့ အမေကMarkကို ကြည်ကြည်ဖြူဖြူနဲ့မွေးပေးခဲ့ပြီး မွေးပြီးနောက်ဒီနိုင်ငံမှာကျောင်းလာတက်ရင်း ကျွန်တော့်အဖေနဲ့ဆုံခဲ့တယ်ဆိုတာပါ။ အဲ့အချိန်ထဲက ကျွန်တော့ညီလေးဖြစ်တဲ့ Markကိုမြင်ဖူးချင်ခဲ့တာပါ။ Markရဲ့အဖေမိသားစုကထိုင်းမှာအရမ်းချမ်းသာတဲ့ မိသားစုကမို့ ဓာတ်ပုံကိုတွေ့ခွင့်ရဖို့ကမခက်ခဲခဲ့ပေမယ့် တခါလောက်တော့Markကိုအမေနဲ့တွေ့စေချင်ခဲ့တာပါ။ အဲ့ဒါကြောင့်Markနဲ့ပတ်သက်တဲ့သတင်းမှန်သမျှအမြဲကြားရအောင်နားစွင့်ခဲ့ပြီး ဒီမှာကျောင်းလာတက်မဲ့သတင်းကြားကတည်းက ကျွန်တော့အိမ်မှာသူနေရအောင်စီစဉ်ခဲ့တာပါ။ ကံကောင်းချင်တော့ Markကိုကျောင်းတက်ဖို့အဓိကစီစဉ်ပေးတာက ကျွန်တော့်ရဲ့သူငယ်ချင်းအရင်းကြီးဖြစ်နေလို့ပါပဲ။အခုဆို Markကိုလည်းတွေ့ရပြီမို့ သူနဲ့ရင်းနှီးအောင်နေပြီး အမေနဲ့တွေ့ပေးဖို့ပဲလိုပါတော့တယ်။