Stay with me

Happy Time with my First Love

Vee POV

Markရည်းစားရသွားတာ ကျွန်တော့်အတွက်တော့မနေ့တနေ့ကလိုလတ်ဆတ်ဆဲအဖြစ်အပျက်ဖြစ်နေပေမဲ့ အမှန်တကယ်တော့ အချိန်ကာလရွှေ့ပြောင်းလာခဲ့တာ အခုဆိုသုံးနှစ်တောင်ပြည့်တော့မယ်။ ကျွန်တော်လည်း အသက်ကြီးလာသလိုMarkကလည်းအရွယ်ရောက်လာခဲ့တယ်။ သူကတော့ အခုလိုအသက်၂၀ကျော်တာတောင် ကျွန်တော့်မျက်လုံးထဲမှာတော့ လွန်ခဲ့တဲ့နှစ်ပေါင်းများစွာက ကျောင်းသွားကျောင်းပြန်အမြဲအတူတူလုပ်ပြီး ကျွန်တော်ကအမြဲစောင့်ကြည့်ခဲ့ရတဲ့ကလေးအရွယ်ပဲ။ ကျွန်တော်ကလည်းအခုဆိုဘွဲ့ရပြီးသွားပြီမို့အရင်လို သူ့ကိုအကြိုအပို့မလုပ်ရတော့ဘူး။ Markအမြဲဖြစ်ချင်တဲ့သူ့ကားသူမောင်းပြီး ကျောင်းသွားရတဲ့ဘဝကိုအခုတော့သူပိုင်ဆိုင်သွားပြီလေ။ သူကတခြားကလေးတွေလိုမျိုး လွတ်လွတ်လပ်လပ်နေချင်ခဲ့တာဆိုတော့ အခုဆိုသူနေချင်သလိုနေလို့ရသွားခဲ့တာတော်တော်ကြာပြီ။ သူနဲ့Nueaကတော့ အခုထိအဆင်ပြေစွာနဲ့ သူတို့ရဲ့RSဘဝကိုဖြတ်သန်းနေကြတာပဲ။ အမှန်အတိုင်းပြောရရင် MarkကိုကောNueaကိုပါတကယ်အံ့ဩမိတယ်။သူများအတွဲတွေများ ၁နှစ်လောက်မတွေ့ရရင်တောင် ပြတ်ကုန်ကြတာ ဥပမာပြောရရင် Ployဆို ကျွန်တော်သူနဲ့ခရီးအတူမသွားဘဲMarkနောက်ကိုလိုက်သွားခဲ့တဲ့နောက်ပိုင်းက စပြီးပြောင်းလဲသွားခဲ့တာ။ အဲ့နောက်ပိုင်း သူနဲ့ကျွန်တော်ပြတ်သွားခဲ့တာ။ Markနဲ့Nueaကျတော့ သူတို့နှစ်ယောက်က လူချင်းအကြာကြီးမတွေ့ရလည်း တယောက်အပေါ်တယောက်အရမ်းသစ္စာရှိကြတယ်။ တနှစ်နေမှတခါ၊ခြောက်လနေမှ တခါလောက်တွေ့ရလည်း သူတို့အတွက် LDRSကသာမာန်အရာလိုပဲ။ အကယ်၍ကျွန်တော်သာ Markနဲ့ချစ်သူဖြစ်နေမယ်ဆိုရင်ကော သူကျွန်တော့်အပေါ်မှာဒီလိုပဲသစ္စာရှိပါ့မလား???။
Nueaကို ကျွန်တော်တကယ်လေးစားမိတဲ့အချက်တချက်ရှိတယ်။ အဲ့ဒါကတော့ Markနဲ့သူ့ရဲ့နှစ်ပတ်လည်နေ့တိုင်းကိုအမှီထိုင်းကိုလာတာပဲ။ အခုဆိုသုံးနှစ်တောင်ပြည့်တော့မယ်။ ဒီနှစ်တော့ Markကိုသူက သူ့ရဲ့မွေးရပ်မြေကိုခေါ်သွားမယ်လို့ကြားတယ်။ ခါတိုင်းနှစ်တွေတုန်းက အန်ကယ်Arthitက သူတို့ကိုဝေးဝေးလည်ခွင့်မပေးခဲ့ပေမယ့် ဒီနှစ်ကတော့ Markရဲ့အထူးတောင်းဆိုချက်အရလည်ခွင့်ပေးရမယ်ထင်တယ်။ ပုံမှန်ဆိုရင်တော့ Markအဲ့လိုမျိုးနယ်တွေဘက်ကို ထွက်လည်တိုင်း ကျွန်တော့်ကိုလိုက်သွားပေးဖို့ အန်ကယ်ကအကူအညီတောင်းနေကျ။ ဒီနှစ်ဦးပိုင်းကစပြီး အန်ကယ်က ကျွန်တော့်ကိုအဲ့လိုမျိုးအကူအညီမတောင်းတော့ဘူး။ ကျွန်တော်ကျောင်းပြီးသွားတာနဲ့ Phorရဲ့လုပ်ငန်းမှာကူပေးနေရတာကြောင့် ကျွန်တော့်မှာအချိန်သိပ်မအားတော့တာကို အားနာလို့ထင်ပါရဲ့။ ကျွန်တော်ကလည်း အရင်လိုMarkကိုဂရုမစိုက်နိုင်တာတော့အမှန်ပဲ။ Phorရဲ့တချို့သောလုပ်ငန်းတွေကို ကျွန်တော်လက်ထပ်တဲ့အခါလွှဲပေးဖို့အတွက် ပြင်ဆင်နေတာမို့ အဲ့ဒီလုပ်ငန်းတွေကိုနားလည်အောင်လုပ်နေရတာနဲ့ ကျွန်တော်တောင်Markကိုမတွေ့ရတာအတော်ကြာနေပြီ။