Unicode
' ကျနော်လုပ်ထားတာလှလည်းမလှဘူး '
ကိုင်ထားတဲ့ စက္ကူရုပ်လေးကို လွှင့်ပစ်လိုက်ပြီး နှုတ်ခမ်းလေး ဆူကာပင် ပြောလာသည့်
ဒုံဟွာလေးကို ကြည့်ကာပင် ကွန်လေး ပြုံးလိုက်သည်။' စိတ်တော့ရှည်ရမှာပေါ့ ဒုံဟွာရဲ့ '
ဆံပင်နက်နက်လေးတွေကို ဖွကာဖြင့် ပြောလိုက်သော်လည်း မျက်နှာလေးဟာ အလိုမကျသေးပုံ။
' ကိုကိုထပ်ပြမယ်။ သေချာမှတ်ထား ဟုတ်ပြီလား '
' ခက်တယ်လို့ လုပ်ချင်တော့ဘူး '
မျက်နှာကို တစ်ဖက်လှည့်ကာဖြင့် ပြောလာသည့် ဒုံဟွာလေး လက်သေးသေးလေးတွေကို ဆွဲယူလိုက်ရင်း စက္ကူတွေပေါ် တင်ပေးလိုက်သည်။
' မရဘူး။ လွယ်လွယ်နဲ့လက်မလျော့ရဘူး '
လူကြီးလူကောင်းဆန်စွာပင် ဆုံးမလာသည့် ကိုကို့ကြောင့် သူကြိုးစားပြီး ကြိုးကြာရုပ်လေးကို ခေါက်မယ်လို့ ဆုံးဖြတ်လိုက်သည်။
လက်သေးသေးလေးတွေပေါ် အုပ်ကိုင်လာသည့် ခပ်သွယ်သွယ် လက်ချောင်းလေးတွေ။
' လှလည်းမလှဘူး။ '
ပထမဆုံး အောင်မြင်သွားသည့် ကြိုးကြာရုပ်လေးကို ကိုင်ကာြဖင့် အလိုမကျနေသော ဒုံဟွာလေးကိုသာ သူပြုံးလျက် ကြည့်နေလိုက်သည်။
' သားရေ..ကွန်လေး '
ဂျီမင်းရဲ့ခေါ်သံလေးကြောင့် ကွန်လေးဟာ ဂျီမင်းရှိရာကို လှမ်းကြည့်လေသည်။ ဘေးမှာလည်း မင်ကရှိလို့ နေသည်မို့ ကွန်လေးဟာ အပြေးလေးပင် မင့်ဆီကို ပြေးဖက်တော့သည်။
' ဦးဦးရောလိုက်လာတယ်? '
ကွန်လေးစကားကြောင့် ဂျီမင်းပြုံးလိုက်မိသည်။
အကို့ကိုသာ ခေါ်လာမယ်ဆို သားလေးက သိပ်ကိုပျော်သွားမယ်ကို သိနေတာကြောင့် မရရတဲ့ နည်းနဲ့ခေါ်လာခဲ့ရသည်။
အခုလည်းကြည့် သူ့ထပ် အကို့ဆီကို အရင်ဆုံးပြေးသည်လေ။
' အင်း။ မင်းပါပါးက မလိုက်မချင်း နားပူအောင်လုပ်နေမှာကို သိလို့လိုက်လာတာ '
![](https://img.wattpad.com/cover/272084095-288-k490640.jpg)
YOU ARE READING
CLOVER - Volume 2 {Completed}
RomanceJeon Jung Kook × Kim Tae Hyung × Min Yoon Gi ~ 𝑭𝒐𝒓 𝒎𝒆, 𝑳𝒐𝒗𝒆 𝒊𝒔 𝑱𝒆𝒐𝒏 ~ ~𝑫𝒓𝒂𝒎𝒂 𝑭𝒂𝒏𝒇𝒊𝒄𝒕𝒊𝒐𝒏~ 𝐒𝐭𝐚𝐫𝐭 𝐃𝐚𝐭𝐞 - [ 2 𝐉𝐮𝐧𝐞 2021 ] 𝐄𝐧𝐝 𝐃𝐚𝐭𝐞 - [ 5 October 2021 ]